राजेंद्र खैरनार | सत्य शोध न्यूज चॅनल पाचोरा : आगामी जनगणना प्रक्रियेच्या पार्श्वभूमीवर पाचोरा नगरपरिषदेअंतर्गत आयोजित करण्यात आलेल्या जनगणना प्रशिक्षण कार्यक्रमाचा पहिला टप्पा अत्यंत यशस्वी वातावरणात संपन्न झाला. दिनांक 27 एप्रिल ते 29 एप्रिल 2026 या कालावधीत पार पडलेल्या या तीन दिवसीय प्रशिक्षण सत्रात जनगणना कार्यासाठी नियुक्त अधिकारी, कर्मचारी, प्रगणक व पर्यवेक्षकांना सखोल मार्गदर्शन करण्यात आले. संपूर्ण जनगणना प्रक्रिया अधिक अचूक, पारदर्शक आणि वेळेत पूर्ण व्हावी यासाठी या प्रशिक्षणामध्ये माहिती संकलनाची आधुनिक पद्धत, डिजिटल साधनांचा प्रभावी वापर, माहिती नोंदणीची तांत्रिक प्रक्रिया तसेच नागरिकांशी संवाद साधण्याच्या पद्धतींबाबत सविस्तर माहिती देण्यात आली. करअधिक्षक डी. एस. मराठे, प्राध्यापक रुद्रस्वाड तसेच नगररचना विभागाचे धिरज नेटके यांनी प्रशिक्षणार्थींना विविध विषयांवर मार्गदर्शन करत जनगणनेचे महत्त्व अधोरेखित केले. जनगणना ही केवळ आकडेवारी नसून भविष्यातील शासकीय योजना, विकास आराखडे आणि नागरिकांच्या गरजांशी संबंधित महत्त्वपूर्ण प्रक्रिया असल्याचे त्यांनी स्पष्ट केले. याव...

राजेंद्र खैरनार – मुख्य संपादक, सत्यशोध न्यूज चॅनल पाचोरा (प्रतिनिधी) : पाचोरा तालुक्यातील शेतकऱ्यांसाठी अत्यंत महत्त्वाचा आणि दिलासादायक ठरणारा मुख्यमंत्री बळीराजा शेत पाणंद रस्ता योजनेअंतर्गत रस्ता कामाच्या उद्घाटनाचा कार्यक्रम शुक्रवार, दि. ०१ मे २०२६ रोजी सकाळी ११:०० वाजता जिल्हा परिषद शाळा, पहाण (ता. पाचोरा, जि. जळगाव) येथे आयोजित करण्यात आला आहे. ग्रामीण भागातील शेतीमाल वाहतूक, शेतात जाण्या-येण्याची सुविधा आणि दळणवळणाची समस्या दूर करण्यासाठी हा रस्ता अत्यंत उपयुक्त ठरणार असल्याने परिसरातील शेतकऱ्यांमध्ये समाधानाचे वातावरण निर्माण झाले आहे. अनेक वर्षांपासून शेतपाणंद रस्त्याच्या मागणीला आता प्रत्यक्ष कामाच्या स्वरूपात सुरुवात होत असल्याने हा कार्यक्रम शेतकऱ्यांसाठी विकासाचा महत्त्वाचा टप्पा मानला जात आहे. या कार्यक्रमाच्या अध्यक्षस्थानी आमदार किशोर आप्पा पाटील हे राहणार असून, प्रमुख उपस्थिती म्हणून जिल्हाधिकारी रोहन घुगे, जिल्हा परिषद जळगावच्या मुख्य कार्यकारी अधिकारी करिश्मा नायर, उपविभागीय अधिकारी भूषण अहिरे, तहसीलदार विजय बनसोडे, गटविकास अधिकारी सुधाकर मुंढे, पोल...

राजेंद्र खैरनार मुख्य संपादक, सत्यशोध न्यूज चॅनल पाचोरा | प्रतिनिधी भारत सरकारच्या वतीने होणाऱ्या जनगणना-2027 प्रक्रियेला यंदा अत्याधुनिक डिजिटल स्वरूप प्राप्त झाले असून प्रथमच नागरिकांना घरबसल्या मोबाईल अथवा संगणकाद्वारे स्वतःची माहिती भरण्याची सुविधा उपलब्ध करून देण्यात आली आहे. देशाच्या विकास आराखड्यासाठी अत्यंत महत्त्वाची मानली जाणारी जनगणना प्रक्रिया आता अधिक पारदर्शक, सुलभ आणि तंत्रज्ञानाधारित पद्धतीने राबविण्यात येणार आहे. तहसिल कार्यालय पाचोरा (जळगाव) यांच्याकडून प्रसिद्ध करण्यात आलेल्या प्रेस नोटनुसार, जनगणना-2027 च्या पहिल्या टप्प्यात राज्यात दि. 16 मे ते 14 जून 2026 दरम्यान घरयादी व घरगणना करण्यात येणार आहे. मात्र त्यापूर्वी नागरिकांना दि. 1 मे 2026 ते 15 मे 2026 या कालावधीत “Self Enumeration” अर्थात स्वयंगणना करण्याची सुविधा उपलब्ध करून देण्यात आली आहे. जनगणना संचलनालय, महाराष्ट्र यांच्या माध्यमातून नागरिकांसाठी https://se.census.gov.in हे अधिकृत वेब पोर्टल सुरू करण्यात आले असून या पोर्टलवर नागरिक स्वतःची माहिती स्वतः भरू शकणार आहेत. माहिती भरल्यानंत...

मुख्य संपादक : राजेंद्र खैरनार, सत्यशोध न्युज चॅनल पाचोरा (प्रतिनिधी) : पाचोरा city मधील छत्रपती शिवाजी महाराज चौक येथे फळ विक्री करणारे आनंद नथ्थु भोई (वय 32) यांचा उष्माघाताने दुर्दैवी मृत्यू झाल्याची घटना घडली आहे. भर उन्हात दिवसभर काकडी विक्री करत असताना आनंद भोई यांनी डोक्यावर कोणतेही संरक्षण घेतले नव्हते. वाढत्या तापमानामुळे त्यांना उष्माघाताचा फटका बसल्याने त्यांचा मृत्यू झाला असल्याची माहिती समोर आली आहे. घटनेची माहिती मिळताच काँग्रेस तालुका अध्यक्ष सचिन सोमवंशी यांनी तात्काळ ग्रामीण रुग्णालयात भेट देत मयताच्या नातेवाईकांचे सांत्वन केले. तसेच मयत आनंद भोई हे घरातील कर्ते पुरुष असल्याने शासनाने भोई कुटुंबाला तातडीने आर्थिक मदत करावी, अशी मागणी त्यांनी केली आहे. मयताच्या पश्चात विधवा आई, पत्नी आणि तीन वर्षांची मुलगी असा परिवार आहे. या घटनेमुळे परिसरात हळहळ व्यक्त होत आहे. सध्या राज्यात व परिसरात उन्हाचे प्रमाण दिवसेंदिवस वाढत असून नागरिकांनी भर उन्हात विनाकारण बाहेर पडू नये, डोक्यावर संरक्षण वापरावे, पुरेसे पाणी प्यावे तसेच उष्माघातापासून बचावासाठी आवश्यक ती खबरदारी घ...

राजेंद्र खैरनार मुख्य संपादक सत्यशोध न्यूज चॅनल कु. मुस्कान शफीकखान पठाण  यांचा जीवनप्रवास हा संघर्ष, जिद्द आणि मेहनतीचं सुंदर उदाहरण आहे. लहान वयातच त्यांच्या आयुष्यात मोठं दुःख आलं. त्या 5 वर्षाच्या  असतानाच त्यांच्या वडिलांचं निधन झाले व त्यांच्यावरचे पितृछत्र हरपले. अशा कठीण परिस्थितीत त्यांनी हार न मानता पुढे जाण्याचा निर्धार केला. त्यांचं शिक्षण ८वी ते १०वी पर्यंत जागृती विद्यालय येथे झालं. त्यानंतर ११वी-१२वी त्यांनी एस.एन.डी. तावरे कन्या महाविद्यालयात विज्ञान शाखेत पूर्ण केलं. शिक्षण घेत असतानाच त्यांनी आयुष्यात काहीतरी वेगळं करण्याचं स्वप्न पाहिलं. घरच्या परिस्थितीची जाणीव ठेवत आणि आई फरजानाबी यांच्या कष्टांची जाणीव मनात ठेवून, आईला घरात हातभार लागावा या उद्देशाने त्यांनी 24 डिसेंबर 2021 रोजी श्रीकृष्ण मल्टी स्पेशालिटी हॉस्पिटलमध्ये कामाला सुरुवात केली. सुरुवातीला त्यांना कोणताही अनुभव नव्हता, पण रुग्णालयात काम करताना त्यांनी सर्व काही नव्याने शिकले. इंजेक्शन देण्यापासून ते इतर वैद्यकीय कामांपर्यंत सर्व गोष्टी त्यांनी  श्री कृष्ण हॉस्पिटलच्या संचालिका ...

राजेंद्र खैरनार मुख्य संपादक सत्यशोध न्यूज चॅनल पाचोरा ता. २८ — वडगाव प्र.भ. खु. येथील सांगवी शिवारात विजेच्या खांबावर झालेल्या शॉर्टसर्किटमुळे भीषण आग लागून उभे पीक, चारा, ठिबक संच व शेतीपयोगी साहित्य जळून खाक झाल्याची घटना मंगळवारी (ता.२८) दुपारी १ ते २ वाजेच्या सुमारास घडली. या आगीत अंदाजे तीन ते चार लाख रुपयांचे नुकसान झाल्याचा प्राथमिक अंदाज व्यक्त करण्यात येत आहे. याबाबत पोलिस प्रशासन, महावितरण कंपनी तसेच कृषी विभागाला दूरध्वनीद्वारे माहिती देण्यात आली आहे. मिळालेल्या माहितीनुसार, वडगाव प्र.भ. खु. येथील शेतकरी राजेंद्र हरसिंग पाटील व चंद्रसिंग लालसिंग पाटील यांचे सांगवी शिवारातील गट क्रमांक २३/१ व २३/२ मध्ये शेती आहे. मंगळवारी दुपारी अचानक विजेच्या खांबावर शॉर्टसर्किट होऊन ठिणग्या पडल्याने शेतात आग लागली. दरम्यान, वडगाव येथील विलास पाटील यांच्या ही बाब लक्षात येताच त्यांनी तातडीने शेतकरी राजेंद्र हरसिंग पाटील व चंद्रसिंग लालसिंग पाटील यांना माहिती दिली. शेतकरी घटनास्थळी पोहोचले असता चार एकर क्षेत्रातील उभे मका, ज्वारी, जनावरांचा चारा, ठिबक संच, पाईप तसेच इ...

राजेंद्र खैरनार मुख्य संपादक सत्य शोध न्यूज चॅनल पाचोरा/संभाजीनगर : होमिओपॅथी क्षेत्रात उल्लेखनीय कार्य व रुग्णसेवा केल्याबद्दल डॉ. प्रशांत सांगडे यांना Vital Homeopathic Forum तर्फे देण्यात येणारा “Excellence in Homeopathy” हा प्रतिष्ठित पुरस्कार प्रदान करण्यात आला. Vital Homeopathic Forum ही संस्था दरवर्षी होमिओपॅथी क्षेत्रात उल्लेखनीय कार्य करणाऱ्या डॉक्टरांना विविध पुरस्कारांनी गौरविते. यावर्षी लखनऊ येथील प्रख्यात होमिओपॅथी तज्ज्ञ डॉ. गिरीश गुप्ता यांनाही “Legend in Homeopathy” पुरस्काराने सन्मानित करण्यात आले. संभाजीनगर येथे आयोजित नॅशनल होमिओपॅथी सेमिनार मध्ये डॉ. प्रशांत गँगवाल, डॉ. राजेंद्र श्रीमाळी, डॉ. प्रवीण बीडकर, डॉ. संजीव डोळे व डॉ. कांचन देसरडा यांच्या हस्ते डॉ. सांगडे यांना हा पुरस्कार प्रदान करण्यात आला. डॉ. प्रशांत सांगडे हे गेल्या दोन दशकांपासून पाचोरा सारख्या ग्रामीण भागात होमिओपॅथीची सेवा देत आहेत. त्यांचे पदवीचे (BHMS) शिक्षण सोनाजीराव क्षीरसागर होमिओपॅथी मेडिकल कॉलेज, बीड येथे झाले असून पदव्युत्तर (MD) शिक्षण गुरु मिश्री होमिओपॅथी मेडिकल कॉलेज, जालना ...

राजेंद्र खैरनार मुख्य संपादक – सत्यशोध न्यूज चॅनल पाचोरा प्रतिनिधी | जळगाव जिल्ह्यात आपल्या धडाकेबाज तपास कौशल्याने आणि गुन्हेगारांवर वचक निर्माण करणाऱ्या कार्यपद्धतीने ओळख निर्माण करणारे चाळीसगाव शहर पोलीस स्टेशनचे पोलीस कर्मचारी श्री राहुल सोनवणे यांना उत्कृष्ट तपास कार्याबद्दल महाराष्ट्र राज्य पोलीस महासंचालक पदक जाहीर करण्यात आले आहे. त्यांच्या या उल्लेखनीय यशामुळे पोलीस दलासह जळगाव जिल्ह्यातील नागरिकांमध्ये आनंदाचे वातावरण निर्माण झाले आहे. श्री राहुल सोनवणे यांनी जिल्ह्यातील विविध पोलीस ठाण्यांमध्ये सेवा बजावत असताना अनेक गंभीर गुन्ह्यांचा तपास अत्यंत कुशलतेने हाताळला आहे. विशेषतः पाचोरा पोलीस स्टेशन येथे कार्यरत असताना त्यांनी मोटरसायकल चोरी, रॉबरी, घरफोडी यांसारख्या अनेक गुन्ह्यांचा छडा लावत गुन्हेगारांना जेरबंद केले होते. त्यांच्या तपास कौशल्यामुळे अनेक प्रकरणांना यशस्वीरीत्या उकल मिळाली होती. यानंतर त्यांची बदली चाळीसगाव शहर पोलीस स्टेशन येथे झाल्यानंतरही त्यांनी आपली धडाकेबाज कामगिरी कायम ठेवली. चाळीसगाव शहरातील अनेक मातब्बर गुंडांवर कारवाई करत त्यांना अटक करण्या...

राजेंद्र खैरनार मुख्य संपादक, सत्यशोध न्यूज चॅनल पाचोरा शहरातील कृष्णापुरी परिसरासाठी अभिमानाचा आणि गौरवाचा क्षण ठरावा अशी बातमी समोर आली असून, येथील सुपुत्र तथा जागृती विद्यालयाचे माजी विद्यार्थी आणि सध्या सहाय्यक आयुक्त (गुप्तवार्ता) पदावर कार्यरत असलेले श्री. याऊद्दीन खाटीक यांना महाराष्ट्र राज्य पोलीस महासंचालकांकडून प्रतिष्ठेचे “पोलीस महासंचालक पदक (DGP Medal)” जाहीर झाले आहे. त्यांच्या या उल्लेखनीय यशामुळे संपूर्ण पाचोरा शहरात आनंदाचे आणि अभिमानाचे वातावरण निर्माण झाले आहे. कर्तव्यनिष्ठा, प्रामाणिकपणा आणि अत्यंत दक्षतेने बजावलेली सेवा याची दखल घेत राज्य शासनाने त्यांना हा मानाचा सन्मान बहाल केला आहे. गुप्तवार्ता विभागासारख्या अत्यंत संवेदनशील आणि जबाबदारीच्या विभागात कार्यरत असताना श्री. खाटीक यांनी अनेक महत्त्वपूर्ण आणि संवेदनशील प्रकरणांमध्ये मोलाची भूमिका बजावत राज्याच्या सुरक्षेसाठी उल्लेखनीय योगदान दिले आहे. त्यांच्या सेवाभाव, शिस्तप्रिय कार्यपद्धती आणि जनतेप्रती असलेल्या सकारात्मक दृष्टीकोनामुळेच त्यांना हा बहुमान मिळाल्याची भावना नागरिक व्यक्त करत आ...

राजेंद्र खैरनार मुख्य संपादक सत्यशोध न्यूज चॅनल गिरणाई शिक्षण संस्था, पाचोरा संचलित कै. परशराम कोंडिबा शिंदे माध्यमिक विद्यालय, पाचोरा येथील आदरणीय मुख्याध्यापक श्री. गजानन विनायक सोमवंशी सर हे नियत वयोमानानुसार तब्बल ३३ वर्षांच्या प्रदीर्घ, प्रामाणिक व विद्यार्थीकेंद्री सेवेनंतर गुरुवार दिनांक ३० एप्रिल २०२६ रोजी सेवानिवृत्त होत आहेत. शैक्षणिक क्षेत्रात कार्य करत असताना सोमवंशी सरांनी केवळ शिक्षक म्हणून नव्हे तर विद्यार्थ्यांचे मार्गदर्शक, संस्कारक्षम व्यक्तिमत्त्व घडविणारे प्रेरणास्थान म्हणून आपली स्वतंत्र ओळख निर्माण केली. त्यांच्या कार्यकाळात विद्यालयात शिस्त, गुणवत्ता, संस्कार व शिक्षणातील सातत्य यांना विशेष महत्त्व प्राप्त झाले. अनेक विद्यार्थ्यांच्या आयुष्याला योग्य दिशा देत त्यांनी शिक्षण क्षेत्रात उल्लेखनीय योगदान दिले आहे. त्यांच्या शांत, संयमी, अभ्यासू व कर्तव्यदक्ष स्वभावामुळे शिक्षक, विद्यार्थी, पालक तसेच समाजात त्यांच्याबद्दल विशेष आदराची भावना निर्माण झाली. ३३ वर्षांच्या अखंड सेवेनंतर ते आज सेवामुक्त होत असले तरी त्यांच्या कार्याचा ठसा कायम प्रेरणादायी राहणार...

राजेंद्र खैरनार मुख्य संपादक – सत्य शोध न्यूज चॅनल पाचोरा : आगामी विशेष संक्षिप्त मतदार पुनरिक्षण प्रक्रियेच्या पार्श्वभूमीवर पाचोरा विधानसभा मतदार संघात निवडणूक प्रशासनाने मोठी आणि महत्त्वपूर्ण कार्यवाही सुरू केली असून, महाराष्ट्र दिनानिमित्त दिनांक १ मे २०२६ रोजी होणाऱ्या ग्रामसभांमध्ये मतदार यादीचे विशेष वाचन करण्याचे आदेश जारी करण्यात आले आहेत. मतदार नोंदणी अधिकारी तथा उपविभागीय अधिकारी पाचोरा भाग, पाचोरा यांनी काढलेल्या अत्यंत महत्त्वाच्या आदेशानुसार, १८ पाचोरा विधानसभा मतदार संघातील सर्व मतदान केंद्रस्तरीय अधिकारी (BLO) यांनी ग्रामसभेत उपस्थित राहून “अनमॅप” असलेल्या मतदारांची तसेच वगळण्यात आलेल्या मतदारांची यादी सार्वजनिकरित्या वाचून दाखवायची आहे. प्रशासनाच्या माहितीनुसार, सद्याच्या मतदार यादीतील अनेक मतदारांचे सन २००२ मधील अंतिम मतदार यादीशी Mapping प्रलंबित असून, या प्रक्रियेमध्ये अचूकता आणण्यासाठी ग्रामसभेच्या माध्यमातून नागरिकांपर्यंत माहिती पोहोचवण्याचा निर्णय घेण्यात आला आहे. त्यामुळे गावपातळीवरच मतदार यादीतील त्रुटी, विसंगती आणि प्रलंबित नोंदी समोर येणार आहेत. ...

राजेंद्र खैरनार मुख्य संपादक सत्य शोध न्यूज चॅनल पाचोरा (प्रतिनिधी): येथील ह्युमन डेव्हलपमेंट फाउंडेशन व नेटवर्क अकॅडमीच्या वतीने आयोजित 'राज्यस्तरीय कौशल्य विकास अभियान २०२५' अंतर्गत D.C.T.Ed. आणि फायनान्शिअल लिटरसी कोर्सचा भव्य प्रमाणपत्र वाटप सोहळा उत्साहात पार पडला. याप्रसंगी उपस्थित मान्यवरांनी विद्यार्थ्यांच्या कौशल्याचे कौतुक करत डिजिटल साक्षरता ही काळाची गरज असल्याचे प्रतिपादन केले. मान्यवरांची उपस्थिती या कार्यक्रमाला मुख्य अतिथी म्हणून भाजपा महाराष्ट्र प्रदेश चिटणीस व स्मितोदय फाउंडेशनच्या अध्यक्षा मा. श्रीम. भैरवी ताई वाघ पलांडे उपस्थित होत्या. तसेच सेवा भारती जळगावचे अध्यक्ष मा. श्री. मनीषजी काबरा, उद्योजक नंदू सोमवंशी, सुनील पाटील आणि दीपक माने यांची प्रमुख उपस्थिती लाभली. डिजिटल साक्षरता: प्रगतीचा नवा मार्ग कार्यक्रमात प्रशिक्षणार्थी विद्यार्थ्यांनी आपले मनोगत व्यक्त करताना प्रशिक्षणादरम्यान मिळालेल्या अनुभवांचे सादरीकरण (Presentation) केले. आजच्या युगात 'संगणक साक्षरता' केवळ एक कौशल्य नसून ती जीवनाची गरज कशी बनली आहे, हे विद्यार्थ्यांनी आपल्या...

राजेंद्र खैरनार मुख्य संपादक सत्य शोध न्यूज चॅनल पाचोरा प्रतिनिधी | दि. २९ एप्रिल २०२६ पाचोरा तालुक्यातील लोहारा दुरक्षेत्र हद्दीत घडलेल्या भीषण दुचाकी अपघात प्रकरणाचा अवघ्या २४ तासांच्या आत छडा लावत पिंपळगाव हरे पोलिसांनी अपघात करून फरार झालेल्या आरोपीस जेरबंद करत उल्लेखनीय कामगिरी केली आहे. या धडाकेबाज कारवाईमुळे पोलीस प्रशासनाच्या तत्परतेचे पुन्हा एकदा दर्शन घडले आहे. दि. २८ एप्रिल २०२६ रोजी रात्री १.०० ते १.३० वाजेच्या सुमारास लोहारा दुरक्षेत्र हद्दीतील म्हसास धरणाजवळ, तपेश्वर इंग्लिश मिडीयम शाळेसमोर दोन मोटारसायकलींचा भीषण अपघात झाला होता. या अपघातात विजय रमेश भिल उर्फ सोनवणे हे गंभीर जखमी होऊन रस्त्यावर बेशुद्ध अवस्थेत आढळून आले, तर मयुर साहेबराव भिल यांच्या तोंडावर गंभीर दुखापत झाली होती. स्थानिकांच्या मदतीने दोघांनाही तातडीने पाचोरा ग्रामीण रुग्णालयात दाखल करण्यात आले. मात्र वैद्यकीय अधिकाऱ्यांनी विजय रमेश भिल उर्फ सोनवणे यांना मृत घोषित केले. या प्रकरणी फिर्यादी अजय रमेश सोनवणे यांच्या फिर्यादीवरून पिंपळगाव हरे पोलीस स्टेशनमध्ये अज्ञात वाहन चालकाविरोधात...

राजेंद्र खैरनार मुख्य संपादक – सत्यशोध न्यूज चॅनल दि. 28 एप्रिल 2026 रोजी राबविण्यात आलेल्या विशेष मोहिमेंतर्गत पोलिस प्रशासनाने विविध ठिकाणी धडक कारवाया करत अवैध धंदे, अमली पदार्थ, वाहतूक नियमभंग, फरारी आरोपी तसेच महिला व बाल सुरक्षा संदर्भात व्यापक मोहीम राबविली. या मोहिमेमुळे अवैध व्यवसाय करणाऱ्यांमध्ये मोठी खळबळ उडाली असून कायदा व सुव्यवस्था राखण्यासाठी पोलिस प्रशासन सज्ज असल्याचा ठोस संदेश देण्यात आला आहे. अवैध शस्त्रे व दारूबंदी कारवाई अंतर्गत गावठी हातभट्टी दारू प्रकरणी एकूण 05 गुन्हे दाखल करण्यात आले असून अंदाजे 1 लाख 9 हजार रुपयांचा मुद्देमाल जप्त करण्यात आला आहे. तसेच जुगार कायद्यान्वये 02 कारवाया करण्यात आल्या. बी.पी. अॅक्ट कलम 124 अंतर्गत लुबी कंपनीची मोटार जप्त करण्यात आली असून आरोपी शेख समीर मन्सूर, रा. हनुमान नगर याच्यावर कारवाई करण्यात आली आहे. तसेच बी.पी. अॅक्ट कलम 122 अंतर्गत शेख नईम शेख अमीर, वय 28, रा. बाहेरपुरा याच्यावर देखील कारवाई करण्यात आली. वाळू चोरी प्रकरणी गुरनं. 197/26, BNS 303(2) अंतर्गत मोठी कारवाई करण्यात आली असून सुमारे 4 लाख 56 हजार रुपयांच...

मुख्य संपादक : राजेंद्र खैरनार पाचोरा प्रतिनिधी : जळगाव जिल्हा पोलीस अधीक्षक यांच्या आदेशानुसार पिंपळगाव हरेश्वर पोलीस स्टेशन हद्दीत विशेष मोहिम राबविण्यात आली. या मोहिमेत पिंपळगाव हरेश्वर पोलीस स्टेशनच्या प्रभारी अधिकारी सपोनि कल्याणी वर्मा यांनी अवैध धंद्यांविरोधात आक्रमक भूमिका घेत विविध पथके तयार करून गुप्त बातमीदारांच्या माध्यमातून माहिती संकलित केली. त्यानुसार अवैध गावठी हातभट्टी दारू, सट्टा-जुगार, बेकायदेशीर पेट्रोल विक्री तसेच तंबाखूजन्य पदार्थ विक्री करणाऱ्यांविरुद्ध मोठी कारवाई करण्यात आली आहे. सातगाव डोंगरी येथील ब्राम्हणी नदीच्या काठावर तसेच धरण परिसरात गावठी हातभट्टी दारू तयार केली जात असल्याची माहिती मिळाल्यानंतर पोलिसांनी छापा टाकून आरोपी नामे १) बाजीराव तुराब तडवी, २) दिपक सुपड्डु तडवी, ३) शौकत सिकंदर तडवी, ४) कासम रमजान तडवी, ५) अनिल मासूम तडवी, ६) सुनिल मासूम तडवी, ७) सोपान चंदू तडवी, ८) संतोष राजू भिल आणि ९) भिवराबाई भिल यांच्याविरुद्ध महाराष्ट्र दारुबंदी अधिनियम कलम ६५ (फ, ब, क, ई) प्रमाणे गुन्हे नोंद केले. या कारवाईत पोलिसांनी तब्बल २ लाख ४५...

राजेंद्र खैरनार, मुख्य संपादक – सत्यशोध न्यूज चॅनल पाचोरा (प्रतिनिधी) – कर्तव्यनिष्ठ, प्रामाणिक आणि सतत जनतेच्या सेवेत तत्पर राहणारे पाचोरा तालुक्याचे तहसीलदार मा. श्री. विजय जी बनसोडे यांना धरणगाव तहसील कार्यालयाकडून सन्मानपत्र देऊन गौरविण्यात आले आहे. त्यांच्या कार्यशैलीमुळे ते “इमानदार आणि सत्यनिष्ठ अधिकारी” म्हणून ओळखले जात असून, प्रशासनात एक आदर्श निर्माण करत आहेत. महाराष्ट्र शासनाच्या महसूल विभागांतर्गत सन २०२५-२६ या आर्थिक वर्षात महाराष्ट्र लोकसेवा हक्क दिन निमित्त उत्कृष्ट सेवा देत नागरिकांची कामे वेळेत पूर्ण केल्याबद्दल हा सन्मान देण्यात आला. दि. २८ एप्रिल २०२६ रोजी अपर जिल्हाधिकारी जळगाव मा. डॉ. श्रीमंत हारकर यांच्या हस्ते हा गौरव करण्यात आला. तहसीलदार विजय बनसोडे यांची कार्यपद्धती अत्यंत शिस्तबद्ध आणि वेळेचे काटेकोर नियोजन करणारी आहे. विशेष म्हणजे, ते आपल्या शासकीय कामाचा एक क्षणही वाया जाऊ देत नाहीत. नागरिकांच्या समस्या तात्काळ सोडवून प्रशासनातील कार्यक्षमता वाढविण्यात त्यांनी मोलाची भूमिका बजावली आहे. वारकरी संप्रदायातील माळकरी म्हणून त्यांच्या आयुष्यात साधेपणा...

राजेंद्र खैरनार | मुख्य संपादक, सत्य शोध न्युज चॅनल पाचोरा शहरात एक अशी घटना घडली आहे, जी केवळ बातमी नसून समाजासाठी प्रेरणेचा दीपस्तंभ ठरावी अशी आहे. देशाच्या सीमांवर जीवाची पर्वा न करता लढणाऱ्या जवानांबद्दल आपण सर्वजण अभिमान बाळगतो; परंतु त्यांच्या कुटुंबाच्या अडचणीच्या क्षणी मदतीचा हात पुढे करणे, ही खरी देशभक्ती आणि खरी राष्ट्रसेवा ठरते. याच भावनेतून, पाचोऱ्यातील सजग व संवेदनशील महिला श्रीमती फातेमा मुर्तुजा नगारिया (लेखापाल व गृहिणी) आणि शहरातील मोबाईल व्यवसायिक श्री जितेश पंजवाणी यांनी बीएसएफच्या एका जवानाच्या आजारी वडिलांसाठी अत्यंत गरजेच्या वेळी रक्तदान करून त्यांना जीवनदान देण्याचा प्रयत्न केला. ही घटना केवळ रक्तदानापुरती मर्यादित नाही, तर ती मानवतेच्या जिवंत जाणिवेची आणि सामाजिक बांधिलकीची सशक्त अभिव्यक्ती आहे. फातेमा ताई या आपल्या दैनंदिन आयुष्यात गृहिणी, लेखापाल आणि कुटुंबाची जबाबदारी सांभाळत असतानाच, समाजासाठी वेळ काढून अशा सेवाभावी कार्यात सहभागी होतात, ही बाब विशेष उल्लेखनीय आहे. त्यांच्या कृतीतून “स्त्री ही केवळ घरापुरती मर्यादित नसून समाजाची आधारस्तंभ आहे” हे...

राजेंद्र खैरनार मुख्य संपादक, सत्य शोध न्यूज चॅनल पाचोरा:कृष्णापुरी परिसरातील नागरिकांच्या आरोग्याच्या दृष्टीने एक महत्त्वपूर्ण उपक्रम राबविण्यात येत असून उद्या, दिनांक २८ एप्रिल २०२६ रोजी मारोती मंदिर येथे मोफत पूर्ण बॉडी चेकअप शिबिराचे आयोजन करण्यात आले आहे. सकाळी ९.०० ते दुपारी १२.०० या वेळेत हे शिबिर पार पडणार असून, परिसरातील सर्व नागरिकांनी याचा जास्तीत जास्त लाभ घ्यावा, असे आवाहन आयोजकांकडून करण्यात आले आहे. शिवसेना शिंदे गटाचे प्रभाग क्रमांक १४ चे नगरसेविकापती अशोक (आप्पा) पुंडलिक पाटील, नगरसेविका सुरेखा अशोक पाटील तसेच नगरसेवक प्रदीप भगवान वाघ यांच्या पुढाकारातून या आरोग्य शिबिराचे आयोजन करण्यात आले आहे. विशेष म्हणजे या शिबिरात महिलांसाठी महिला डॉक्टर उपलब्ध असणार असल्यामुळे महिलांनीही निर्धास्तपणे तपासणी करून घ्यावी, असे आवाहन करण्यात आले आहे. कृष्णापुरी व पंचक्रोशीतील गरीब व गरजू नागरिकांना मोफत आरोग्य सुविधा मिळावी, त्यांच्या आरोग्याची नियमित तपासणी व्हावी आणि आजारांचे वेळेवर निदान व्हावे, या उद्देशाने या शिबिराचे आयोजन करण्यात आले आहे. सध्याच्या धावपळीच्या जीवनश...

पाचोरा (प्रतिनिधी) येथील श्री. विवेक वर्धिनी नागरी सहकारी पतसंस्था मर्यादित पाचोरा संचालक पदी सुरेश धनराज तांबे यांची नुकतीच निवड झाली आहे. या निवडीबद्दल दि.२७ एप्रिल २०२७ सोमवार रोजी पतसंस्थेकडून  सत्काराचा कार्यक्रम आयोजित करण्यात आला होता. यावेळी संचालक सुरेश धनराज तांबे यांचा   शाल,पुष्पहार, व पुष्पगुच्छ देऊन सत्कार करण्यात आला.या प्रसंगी चेअरमन सदाशिव (आबा) त्र्यंबक पाटील,व्हाईस चेअरमन आशिष रमेशचंद्र लाहोटी,संचालक वसंत गोविंदा महाजन,संचालक मिलिंद नामदेव गायकवाड, संचालक शांताराम झगा पाटील,संचालक सचिन पुरुषोत्तम देशपांडे, संचालिका  श्रीमती निर्मला सुरेश अमृतकर,संचालिका सौ.नीलिमा प्रकाश पाटील,संचालिका सौ.प्रियंका विनोद पाटील,मॅनेजर धर्मेश अग्रवाल, संजय कुलकर्णी, नंदू कुलकर्णी, अनिल पाटील,भरत तिवारी,सतीश जाधव, संजय नालकर आदी उपस्थित होते. सुरेश तांबे यांची संचालक पदी निवड  झाल्याने त्यांच्यावर सर्वस्तरातुन  अभिनंदनाचा वर्षाव होत आहे.

राजेंद्र खैरनार मुख्य संपादक,सत्यशोध न्यूज चॅनल पाचोरा, दि. २७ एप्रिल – खरीप हंगामाच्या तोंडावर शेतकऱ्यांनी सेंद्रिय शेतीकडे वळत रासायनिक खतांचा वापर कमी करावा, आधुनिक तंत्रज्ञानाचा स्वीकार करावा आणि मोबाईल अ‍ॅपच्या माध्यमातून हवामान व बाजारभावाची माहिती घ्यावी, असा स्पष्ट आणि ठाम संदेश आमदार किशोर आप्पा पाटील यांनी दिला. येथील आशिर्वाद हॉल येथे आज सकाळी ११ वाजता “खरीप पूर्व आढावा सभा व शेतकरी मार्गदर्शन कार्यक्रम २०२६” उत्साहात पार पडला. तालुका कृषी अधिकारी पाचोरा व भडगाव यांच्या संयुक्त विद्यमाने आयोजित या कार्यक्रमास मोठ्या संख्येने शेतकऱ्यांची उपस्थिती लाभली. कार्यक्रमाच्या अध्यक्षस्थानी आमदार किशोर आप्पा पाटील होते. यावेळी प्रांताधिकारी भुषण अहिरे, तहसीलदार बनसोडे, उपनगराध्यक्ष किशोर बारावकर, तालुका कृषी अधिकारी सुधाकर कराड (पाचोरा) व दिपक ठाकूर (भडगाव) यांच्यासह विविध विभागांचे अधिकारी उपस्थित होते. कृषी विज्ञान केंद्राचे ज्येष्ठ शास्त्रज्ञ वैभव सूर्यवंशी यांनी कृषी यांत्रिकीकरणावर मार्गदर्शन करत आधुनिक साधनांचा वापर वाढवण्याचे महत्त्व पटवून दि...