राजेंद्र खैरनार मुख्य संपादक सत्यशोध न्यूज पाचोरा (प्रतिनिधी) : "माझ्या गावातील नागरिकांचे प्रेम, आशीर्वाद आणि माझ्या परिवाराची साथ हीच माझी खरी ताकद आहे. गावाची ताकद माझ्या व माझ्या परिवारामागे असल्यानेच आम्हाला देशासाठी लढण्याचे आणि कर्तव्य पार पाडण्याचे बळ मिळते," असे प्रतिपादन भारतीय सैन्य दलातील अधिकारी लेफ्टनंट कर्नल विनय पाटील यांनी केले. पाचोरा तालुक्यातील परधाडे येथील सुपुत्र विनय पाटील यांची नुकतीच भारतीय सैन्यात लेफ्टनंट कर्नल पदावर पदोन्नती झाल्याने गावातील नागरिकांच्या वतीने शनिवार (दि. 30 मे) रोजी त्यांचा भव्य नागरी सत्कार करण्यात आला. यावेळी गावकऱ्यांनी पुष्पगुच्छ, शाल व श्रीफळ देऊन त्यांचा गौरव केला. सत्काराला उत्तर देताना लेफ्टनंट कर्नल विनय पाटील यांनी आपल्या भावना व्यक्त करताना सांगितले की, देशसेवा हे केवळ कर्तव्य नसून ती एक राष्ट्रभक्तीची भावना आहे. सैन्यातील प्रत्येक जवान आणि अधिकारी देशाच्या सुरक्षिततेसाठी सदैव तत्पर असतो. अशा वेळी गावकऱ्यांचे प्रेम, कुटुंबाची साथ आणि समाजाचा विश्वास हीच सर्वात मोठी प्रेरणा ठरते. परधाडेकरांनी दिले...

राजेंद्र खैरनार | मुख्य संपादक सत्य शोध न्युज पारोळा : पोलीस दलात प्रदीर्घ काळ प्रामाणिकपणे, निष्ठेने आणि कर्तव्यदक्षतेने सेवा बजावत समाजात कायदा व सुव्यवस्था अबाधित राखण्यासाठी मोलाचे योगदान देणारे मा. श्री. अशोक कचरू पवार, वरिष्ठ पोलीस निरीक्षक यांच्या सेवापूर्ती निमित्त भव्य “सेवापूर्ती गौरव सोहळ्याचे” आयोजन करण्यात आले आहे. पोलीस सेवेत अनेक आव्हाने, जबाबदाऱ्या आणि कठीण प्रसंगांना सामोरे जात जनतेचा विश्वास संपादन करणाऱ्या अशोक पवार यांनी आपल्या कार्यकाळात कर्तव्यपरायण अधिकारी म्हणून वेगळी ओळख निर्माण केली. त्यांच्या उल्लेखनीय सेवेला मानवंदना देण्यासाठी हा गौरव सोहळा आयोजित करण्यात आला असून, हा क्षण त्यांच्या सहकाऱ्यांसह नागरिकांसाठीही अभिमानाचा आणि प्रेरणादायी ठरणार आहे. सेवापूर्ती हा केवळ शासकीय सेवेतून निवृत्तीचा टप्पा नसून, समाजासाठी दिलेल्या योगदानाचा गौरव करण्याचा सोनेरी क्षण असतो. अशोक पवार यांच्या कार्याचा सन्मान करण्यासाठी विविध मान्यवर, पोलीस अधिकारी, कर्मचारी, सामाजिक कार्यकर्ते तसेच नागरिक मोठ्या संख्येने उपस्थित राहणार आहेत. 📍 कार्यक्रमाचे तपशील स्थळ: पारोळा...

राजेंद्र खैरनार मुख्य संपादक – सत्यशोध न्यूज पाचोरा : एखाद्या कुटुंबातील तरुण सदस्याचा अकाली मृत्यू ही केवळ त्या घरापुरती मर्यादित शोकांतिका नसते, तर ती संपूर्ण गावाच्या मनाला चटका लावणारी घटना ठरते. भडगाव तालुक्यातील गिरड येथील होतकरू( मालक फॅशन पाचोरा) युवक रविंद्र संजय मोरे (कोळी) यांच्या संशयास्पद मृत्यूने अशीच वेदनादायक परिस्थिती निर्माण झाली. या घटनेनंतर संपूर्ण गिरड गाव शोकसागरात बुडाले, तर दुसरीकडे सत्य समोर यावे आणि न्याय मिळावा या भावनेने नागरिक एकवटले. गिरड हे गाव सामाजिक सलोखा, एकोपा आणि गावाच्या हितासाठी एकदिलाने उभे राहणाऱ्या नागरिकांसाठी ओळखले जाते. जाती-धर्माच्या चौकटींपलीकडे जाऊन गावकऱ्यांनी नेहमीच एकात्मतेचे दर्शन घडविले आहे. त्यामुळे गावातील एका तरुणाच्या मृत्यूची बातमी समोर येताच नागरिकांच्या भावना अनावर होणे स्वाभाविक होते. घटनेनंतर अल्पावधीतच मोठ्या संख्येने नागरिक पाचोरा पोलीस ठाणे परिसरात जमा झाले. युवक, महिला, ज्येष्ठ नागरिक तसेच विविध सामाजिक संघटनांचे प्रतिनिधी न्यायाच्या मागणीसाठी एकत्र आले होते. प्रत्येकाच्या मनात एकच प्र...

राजेंद्र खैरनार | मुख्य संपादक, सत्यशोध न्यूज पाचोरा तालुक्यातील हरेश्वर पिंपळगाव पोलीस स्टेशनच्या प्रभारी अधिकारी म्हणून दिनांक 14 जुलै 2025 रोजी ए.पी.आय. श्रीमती कल्याणी वर्मा मॅडम यांनी पदभार स्वीकारल्यापासून संपूर्ण पोलीस हद्दीत कायदा व सुव्यवस्थेचे नवे पर्व सुरू झाले आहे, अशी भावना आज पंचक्रोशीतील नागरिक, महिला वर्ग आणि सामाजिक क्षेत्रातील मान्यवरांकडून व्यक्त केली जात आहे. अवघ्या दहा महिन्यांच्या कालावधीत त्यांनी आपल्या धाडसी, निर्भीड आणि कर्तव्यदक्ष कार्यशैलीच्या जोरावर अवैध धंद्यांविरोधात कठोर भूमिका घेत परिसरात कायद्याचा प्रभावी धाक निर्माण केला आहे. पदभार स्वीकारताच श्रीमती कल्याणी वर्मा यांनी अवैध धंदे, गुटखा विक्री, जुगार, सत्ता-पत्ता, विमल आणि इतर बेकायदेशीर कृत्यांविरोधात मोहीम उघडली. त्यांच्या सातत्यपूर्ण कारवाईमुळे अनेक अवैध व्यवसायांचे धाबे दणाणले असून कायद्याला आव्हान देणाऱ्या प्रवृत्तींना मोठा आळा बसला आहे. त्यांच्या कारवाईमुळे अवैध धंदे करणाऱ्यांना पळता भुई थोडी झाली असून सर्वसामान्य नागरिकांमध्ये सुरक्षिततेची भावना अधिक बळकट झाली आहे. विशेषतः महिलांच्या...

राजेंद्र खैरनार मुख्य संपादक – सत्य शोध न्यूज पाचोरा : तहसिल कार्यालय पाचोरा (संजय गांधी शाखा) मार्फत केंद्र व राज्य शासन पुरस्कृत विविध निवृत्तीवेतन योजनांतील लाभार्थ्यांसाठी अत्यंत महत्त्वाचे जाहीर निवेदन प्रसिद्ध करण्यात आले असून, संबंधित सर्व लाभार्थ्यांनी दि. 31 मे 2026 पूर्वी ऑनलाईन डिजिटल हयात प्रमाणपत्र सादर करणे अनिवार्य करण्यात आले आहे. अन्यथा संबंधित लाभार्थ्यांचे निवृत्तीवेतन ऑनलाईन पद्धतीने आपोआप बंद होणार असल्याचा इशारा प्रशासनाकडून देण्यात आला आहे. तहसिलदार विजय शिवाजी बनसोडे यांनी जारी केलेल्या निवेदनानुसार, सामाजिक न्याय व विशेष सहाय्य विभागाच्या शासन निर्णयान्वये दरवर्षी पात्र लाभार्थ्यांचे हयात प्रमाणपत्र तसेच उत्पन्न प्रमाणपत्र घेणे बंधनकारक करण्यात आले आहे. यामध्ये इंदिरा गांधी राष्ट्रीय वृद्धापकाळ निवृत्तीवेतन योजना, इंदिरा गांधी राष्ट्रीय विधवा निवृत्तीवेतन योजना, इंदिरा गांधी राष्ट्रीय दिव्यांग निवृत्तीवेतन योजना तसेच राज्य शासनाच्या संजय गांधी निराधार योजना व श्रावणबाळ निवृत्तीवेतन योजनेतील लाभार्थ्यांचा समावेश आहे. प्रशासनाने स्पष्ट केले आहे की, सर...

राजेंद्र खैरनार मुख्य संपादक : सत्य शोध‌ न्यूज पाचोरा प्रतिनिधी :पाचोरा येथील मानसिंगा बिल्डिंग जवळ असलेल्या ईदगाह दर्गा (मज्जिद) येथे बकरी ईद निमित्त हजारो मुस्लिम बांधवांनी मोठ्या उत्साहात नमाज पठण केले. सकाळपासूनच ईदगाह परिसरात भक्तिमय आणि आनंदाचे वातावरण निर्माण झाले होते. शहरातील विविध भागातून मुस्लिम बांधव मोठ्या संख्येने उपस्थित राहून शांतता, बंधुभाव आणि समाजातील ऐक्यासाठी प्रार्थना केली. नमाज पठणानंतर मुस्लिम बांधवांना उपविभागीय पोलीस अधिकारी डी.वाय.एस.पी. श्री बापू रोहम साहेब तसेच पाचोरा पोलीस स्टेशनचे पोलीस निरीक्षक श्री राहुल कुमार पवार यांनी बकरी ईदच्या हार्दिक शुभेच्छा दिल्या. यावेळी सर्व धर्मीयांमध्ये बंधुभाव, शांतता आणि सौहार्द कायम राहावे, असा संदेश मान्यवरांनी दिला. या प्रसंगी नगरसेवक श्री अशोक आप्पा पाटील, श्री रसूल शेठ, श्री नशीर बागवान, सामाजिक कार्यकर्ते हरून देशमुख, डॉ.आलम देशमुख तसेच काँग्रेसचे कार्यकर्ते इरफान मणियार ,जेष्ठ पत्रकार तथा सामाजिक कार्यकर्ते अनिल आबा येवले यांनी उपस्थित मुस्लिम बांधवांना भेटून ईदच्या शुभेच्छा दिल्या. ...

राजेंद्र खैरनार(पाचोरा)मुख्य संपादक – सत्य शोध न्यूज पाचोरा : शहरातील दसेरा मैदानावर बल्लाळेश्वर युवा फाऊंडेशन महाराष्ट्र राज्य, पाचोरा यांच्या वतीने आयोजित करण्यात आलेल्या भव्य कीर्तन सोहळ्याच्या कार्यक्रमात महत्त्वपूर्ण बदल करण्यात आला आहे. बल्लाळेश्वर युवा फाऊंडेशनच्या १६ व्या वर्धापन दिनानिमित्त तसेच संस्थापक अध्यक्ष श्री. हरिभाऊ तुकाराम पाटील यांच्या वाढदिवसानिमित्त आयोजित समाज प्रबोधनकार ह.भ.प. श्री. सत्यपाल महाराज यांच्या कीर्तनाचा कार्यक्रम पूर्वनियोजित दिनांक २९ मे २०२६ ऐवजी आता दिनांक ०२ जून २०२६ रोजी आयोजित करण्यात आला आहे. हा भव्य कीर्तन सोहळा मंगळवार दिनांक ०२ जून २०२६ रोजी सायंकाळी ठीक ७:०० वाजता दसेरा मैदान, जामनेर रोड, पाचोरा येथे संपन्न होणार आहे. काही अपरिहार्य कारणास्तव कार्यक्रमाच्या तारखेमध्ये बदल करण्यात आल्याची माहिती आयोजकांनी दिली आहे. समाज प्रबोधन, अध्यात्म आणि सत्यवाणीच्या माध्यमातून जनजागृती करणारे ह.भ.प. श्री. सत्यपाल महाराज यांच्या कीर्तनाला पंचक्रोशीतून मोठ्या संख्येने भाविक उपस्थित राहण्याची शक्यता व्यक्त केली जात आहे. त्यांच्या प्रभावी वाणीम...

राजेंद्र खैरनार(पाचोरा) मुख्य संपादक – सत्यशोध न्यूज पाचोरा  : आगामी बकरी ईद सण शांततेत, सौहार्दपूर्ण आणि कायदा सुव्यवस्था अबाधित राखत पार पडावा यासाठी पाचोरा पोलीस स्टेशनतर्फे शहरातून भव्य रूट मार्च काढण्यात आला. पोलिसांच्या या फ्लॅग मार्चमुळे शहरात सुरक्षिततेचे वातावरण निर्माण झाले असून, कोणत्याही अफवा, गैरप्रकार किंवा शांतता भंग करण्याचा प्रयत्न करणाऱ्यांना पोलिसांनी अप्रत्यक्षपणे कडक इशाराच दिला आहे. या रूट मार्चचे नेतृत्व डीवायएसपी श्री बापू रोहम साहेब तसेच पाचोरा पोलीस स्टेशनचे पोलीस निरीक्षक श्री राहुलकुमार पवार साहेब यांनी केले. पाचोरा पोलीस स्टेशन येथून सुरू झालेला हा मार्च शहरातील प्रमुख मार्गांवरून काढण्यात आला. श्री राजे छत्रपती शिवाजी महाराज चौक, नगरपालिका परिसर, प्रकाश टॉकीज, बाहेरपुरा, आठवडे बाजार, गांधी चौक, जामनेर रोड मार्गे पुन्हा पाचोरा पोलीस स्टेशन येथे रूट मार्चची सांगता करण्यात आली. यावेळी पोलिसांचा शिस्तबद्ध ताफा, वाहनांची फळी, महिला पोलीस कर्मचारी, होमगार्ड पथक तसेच डीबी पथकाची उपस्थिती नागरिकांचे लक्ष वेधून घेत होती. शह...

राजेंद्र खैरनार | मुख्य संपादक – सत्य शोध न्यूज दिनांक : २७ मे २०२६ पाचोरा तालुक्यातील पिंपळगाव हरेश्वर येथे आगामी बकरी ईद सणाच्या पार्श्वभूमीवर कायदा व सुव्यवस्था अबाधित राखण्यासाठी पोलिस प्रशासनाने कडक पावले उचलत गावात भव्य आणि शिस्तबद्ध रुट मार्च काढून सज्जतेचा स्पष्ट संदेश दिला. गावात शांतता, सामाजिक ऐक्य आणि नागरिकांचा विश्वास टिकवून ठेवण्यासाठी पोलिस दल पूर्णपणे सतर्क असल्याचे या मार्चमधून अधोरेखित झाले. वरिष्ठ पोलीस अधिकाऱ्यांच्या मार्गदर्शनाखाली सहाय्यक पोलीस निरीक्षक कल्याणी वर्मा यांच्या नेतृत्वात हा रुट मार्च पार पडला. यामध्ये पोलीस अधिकारी, कर्मचारी तसेच होमगार्ड जवान मोठ्या संख्येने सहभागी झाले होते. गावातील प्रमुख चौक, बाजारपेठ, संवेदनशील भाग, गर्दीची ठिकाणे तसेच महत्त्वाच्या रस्त्यांवरून पोलिसांनी पायदळ संचलन करत नागरिकांना सुरक्षिततेचा विश्वास दिला. सणाच्या काळात कोणत्याही अफवा, तणाव किंवा अनुचित प्रकाराला थारा दिला जाणार नाही, असा कठोर संदेश पोलिसांनी या मार्चद्वारे समाजकंटकांना दिला. कायदा हातात घेण्याचा प्रयत्न करणाऱ्यांवर कठोर कार...

राजेंद्र खैरनार | मुख्य संपादक, सत्य शोध न्यूज पाचोरा : आगामी पावसाळ्याच्या पार्श्वभूमीवर पाचोरा नगरपरिषद प्रशासन आता पूर्णपणे ॲक्शन मोडमध्ये आले असून शहरातील नाले, गटारी आणि पाण्याचा निचरा होणाऱ्या मार्गांच्या स्वच्छतेसाठी युद्धपातळीवर मोहीम राबविण्यात येत आहे. मागील वर्षी झालेल्या अतिवृष्टीमुळे शहरातील अनेक भागांमध्ये पाणी साचून नागरिकांना मोठा त्रास सहन करावा लागला होता. अनेक घरांमध्ये पाणी शिरल्याने आर्थिक नुकसान झाले होते. याच पार्श्वभूमीवर यंदा प्रशासनाने कोणतीही हयगय न करता मान्सूनपूर्व कामांना गती दिली आहे. दिनांक २५ मे २०२६ रोजी मा. नगराध्यक्षा सौ. सुनिता किशोर पाटील यांनी नगरपरिषदेत विविध विभागांची आढावा बैठक घेत शहरातील सर्व प्रभागांमध्ये तातडीने नालेसफाई मोहीम राबविण्याचे आदेश दिले. मुख्याधिकारी मंगेश देवरे यांच्या मार्गदर्शनाखाली स्वच्छता विभागाने शहरभर मोठ्या प्रमाणावर यंत्रसामग्री आणि मनुष्यबळ उतरवले आहे. शहरातील मुख्य रस्ते, बाजारपेठ परिसर, निवासी वस्त्या, शाळांच्या आजूबाजूचे भाग तसेच पावसाळ्यात पाणी साचणाऱ्या संवेदनशील परिसरांमध्ये जेसीबी, ट्रॅक्टर, टिप...

राजेंद्र खैरनार मुख्य संपादक सत्य शोध न्यूज पाचोरा - येथील पंचायत समिती शिक्षण विभाग पाचोरा मार्फत पाचोरा तालुक्यातील दिव्यांग विद्यार्थ्यांचे सर्वेक्षण व पटनोंदणी करण्याची कार्यवाही नुकतीच सुरु करण्यात आली. लासगाव येथे गटशिक्षणाधिकारी विजय पवार यांनी दिव्यांग विद्यार्थ्याला पुष्पगुच्छ देऊन त्याचा शाळा प्रवेश निश्चित केला. यावेळी विशेष शिक्षक घनशाम चौधरी, जयदीप पाटील, सुवर्णा पाटील यांची उपस्थिती होती. गट शिक्षणाधिकारी विजय पवार व शिक्षण विस्तार अधिकारी सरोज गायकवाड यांच्या मार्गदर्शनाखाली तसेच सर्व केंद्र प्रमुख यांच्या संनियंत्रणात चौदा विशेष शिक्षक पाचोरा तालुक्यातील दिव्यांग विद्यार्थ्यांची माहिती संकलित करणार आहेत. सदर मोहीम दहा जुलै पर्यंत राहणार असून नवीन शैक्षणिक वर्षात विशेष बालकांना दाखल करणे, त्यांना समग्र शिक्षा मार्फत आवश्यक साहित्य मिळवून देणे, पालकांचे समुपदेशन करणे, विशेष गरजा असलेल्या बालकांना योग्य शैक्षणिक मार्गदर्शन करण्यासाठी सदर सर्वेक्षण उपयुक्त ठरणार असल्याचे पाचोरा शिक्षण विभागाने कळवले आहे.

राजेंद्र खैरनार मुख्य संपादक, सत्य शोध न्यूज चैनल  पाचोरा पोलीस स्टेशन येथे कार्यरत असलेल्या खाकी वर्दीतील देवदूत! पाचोरा पोलीस स्टेशन येथे कार्यरत पोलीस कर्मचारी शरद पाटील यांच्या सतर्कतेमुळे एका १७ वर्षीय तरुणाला जीवदान मिळाले आहे. "पोलीस म्हणजे केवळ कडक शिस्त आणि कायदा नव्हे, तर संकटसमयी धावून येणारा खरा देवमाणूस असतो," याचाच प्रत्यय पाचोरा येथे आला आहे. पाचोरा पोलीस ठाण्यातील पोलीस अंमलदार शरद पाटील यांच्या अतुलनीय सतर्कतेमुळे आणि चातुर्यामुळे एका १७ वर्षीय तरुणाला मरणाच्या दारातून सुखरूप परत आणण्यात यश आले आहे. पोलिसांच्या या तत्परतेमुळे एका वृद्ध माता-पित्याचा एकुलता एक आधार वाचला असून, आई-वडिलांच्या चेहऱ्यावर पुन्हा हास्य फुलले आहे. परिसरातून या खाकी वर्दीवर कौतुकाचा वर्षाव होत आहे. काय घडली घटना? नाशिक जिल्ह्यातील सिन्नर येथील सुमित विजय घुलवे (वय १७) हा तरुण काही वैयक्तिक कामानिमित्त पाचोरा पोलीस ठाण्याच्या हद्दीत आला होता. प्रचंड मानसिक ताणतणावात असलेल्या सुमितने टोकाचे पाऊल उचलण्याचे ठरवले. त्याने आपल्या व्हॉट्सअॅपवर "आपली जीवनयात्रा संपवत आहे...

राजेंद्र खैरनार मुख्य संपादक सत्यशोध न्यूज चैनल भडगाव वार्ताहर — तालुक्यातील गोंडगाव येथील माध्यमिक विद्यालयाने शैक्षणिक वर्ष २०२५-२०२६ मधील दहावीच्या परीक्षेत यशाची परंपरा कायम राखली आहे. विद्यालयाचा एकुण निकाल ८३.०१ टक्के लागला आहे. यात  सायना पाटील हीने ८६.८० टक्के गुण मिळवून विद्यालयात प्रथम येण्याचा मान पटकावला आहे. परीक्षेत उत्कृष्ट गुणांनी उत्तीर्ण झालेले प्रथम पाच विद्यार्थीनी कु. सायना जितेंद्र पाटील ८६.८० टक्के (प्रथम),  कु.नंदिनी रविंद्र पाटील ८४.६० टक्के (द्वितीय), कु.नेहा अशोक पाटील ८३.४० टक्के (तृतीय),  कु. योगिता दारासिंग परदेशी ८१.६० टक्के (चतुर्थ), चि. सौरव विजय पाटील ७८.८० टक्के (पाचवा) अशी आहेत. सर्व यशस्वी विद्यार्थ्यांच्या या देदीप्यमान यशाबद्दल रा.स.शि.प्र. मंडळ लि. चाळीसगांव संस्थेचे चेअरमन डॉ. विनायक चव्हाण आणि सचिव, प्राचार्य, बाळासाहेब चव्हाण, संचालक मंडळ  यांनी आनंद व्यक्त केला आहे. संस्थेच्या सर्व संचालक मंडळाने विद्यार्थ्यांचे त्यांच्या पालकांचे अभिनंदन केले आहे. विद्यालयाचे मुख्याध्यापक बी. जी. ननावरे यांनी विद्यार्थ्यांच्या ...

राजेंद्र खैरनार | मुख्य संपादक, सत्यशोध न्यूज पाचोरा : मागील वर्षी झालेल्या अतिवृष्टीमुळे शहरातील नागरिकांना मोठ्या संकटांचा सामना करावा लागला होता. या पार्श्वभूमीवर यंदा पावसाळ्यापूर्वीच सर्व आवश्यक उपाययोजना युद्धपातळीवर राबविण्यात याव्यात, अशी जोरदार मागणी भाजपाचे गटनेते तथा नगरसेवक सुरज संजय वाघ यांनी निवेदनाद्वारे पाचोरा नगर परिषद प्रशासनाकडे केली आहे. निवेदनात त्यांनी म्हटले आहे की, शहरातील नालेसफाई, भुयारी गटारींची स्वच्छता तसेच उघड्या गटारींची तातडीने साफसफाई करण्यात यावी. विशेषतः कॉलनी परिसर, व्यापारी पेठ आणि दाट लोकवस्तीच्या भागांमध्ये पाणी साचणार नाही यासाठी प्रशासनाने आतापासूनच नियोजनबद्ध उपाययोजना करणे अत्यंत आवश्यक आहे. मागील वर्षी नाले व गटारी वेळेत साफ न झाल्यामुळे अतिवृष्टीदरम्यान शहरातील अनेक भाग जलमय झाले होते. मुख्य रस्त्यांवर पाणी साचल्याने वाहतूक विस्कळीत झाली होती, तर भुयारी मार्गांमध्ये मोठ्या प्रमाणात पाणी साचल्याने नागरिकांना जीव धोक्यात घालून प्रवास करावा लागला होता. अनेक वसाहतींचा प्रमुख बाजारपेठेशी संपर्क तुटला होता. झोपडपट्टी व सर्वसामान्य नागर...

राजेंद्र खैरनार मुख्य संपादक – सत्यशोध न्यूज चॅनल पाचोरा येथील एम एम कनिष्ठ महाविद्यालयाने इयत्ता 11 वी केंद्रीय ऑनलाईन प्रवेश प्रक्रिया (सन 2026-27) सुलभ व्हावी यासाठी विद्यार्थ्यांसाठी विशेष सुविधा उपलब्ध करून दिली आहे. 10 वी उत्तीर्ण विद्यार्थ्यांना 21 मे व 22 मे 2026 या दोन दिवसांत ऑनलाईन प्रवेश प्रक्रिया पूर्ण करण्यासाठी महाविद्यालयामार्फत मोफत मार्गदर्शन व सुविधा देण्यात येणार आहे. विद्यार्थी व पालकांची गैरसोय टाळण्यासाठी महाविद्यालयाच्या कॉम्प्युटर लॅबमध्ये ऑनलाईन अर्जाचा भाग 1 तसेच भाग 2 (महाविद्यालय पसंती क्रम भरणे) ही प्रक्रिया पूर्ण करून दिली जाणार आहे. बोर्डाकडून ऑनलाईन फॉर्म भरण्याची सुविधा दिनांक 21/05/2026 ते 22/05/2026 रोजी सायंकाळी 6 वाजेपर्यंत उपलब्ध राहणार असून, महाविद्यालयात सकाळी 10 ते दुपारी 2 वाजेपर्यंत विद्यार्थ्यांना प्रत्यक्ष सुविधा दिली जाणार आहे. 📍 ठिकाण कॉम्प्युटर लॅब, प्राचार्य केबिनच्या वर, एम एम महाविद्यालय, पाचोरा 📌 आवश्यक सूचना 👉 विद्यार्थ्यांनी 10 वी मार्कशीटची ऑनलाईन प्रिंट सोबत आणावी. 👉 आधार कार्ड, पासपोर्ट फोटो तसेच आवश्य...

राजेंद्र खैरनार मुख्य संपादक – सत्यशोध न्यूज चॅनल दि.२० मे रोजी “ऑल इंडिया केमिस्ट बंद”च्या पार्श्वभूमीवर पाचोरा शहरातील सर्व मेडिकल दुकाने पूर्णपणे बंद ठेवण्यात आली होती. पाचोरा मेडिकल असोसिएशनच्या नेतृत्वाखाली औषध विक्रेत्यांनी विविध प्रलंबित मागण्यांसाठी एकजुटीने आंदोलन करत शासनाचे लक्ष वेधले. या बंदला शहरातील मेडिकल व्यावसायिकांनी उत्स्फूर्त प्रतिसाद देत १०० टक्के सहभाग नोंदविला. औषध व्यवसायाशी संबंधित विविध समस्या, वाढत्या अडचणी तसेच व्यापाऱ्यांच्या मागण्यांकडे केंद्र व राज्य शासनाने गांभीर्याने लक्ष द्यावे, अशी भूमिका यावेळी मांडण्यात आली. यावेळी पाचोरा Medical Association चे अध्यक्ष, सर्व पदाधिकारी, कार्यकारिणी सदस्य व औषध विक्रेते उपस्थित होते. आंदोलनादरम्यान शिष्टमंडळाने आमदार श्री किशोर आप्पा पाटील यांचे प्रतिनिधी श्री राजेश पाटील यांची भेट घेत निवेदन सादर केले. सदर निवेदनात औषध विक्रेत्यांच्या विविध मागण्या केंद्र व राज्य स्तरावर तातडीने मार्गी लावण्यात याव्यात, अशी मागणी करण्यात आली. तसेच भविष्यात व्यापारी वर्गाच्या प्रश्नांकडे दुर्लक्ष झ...