राजेंद्र खैरनार मुख्य संपादक सत्य शोध न्यूज चॅनल भडगाव (प्रतिनिधी : प्रा. सुरेश कोळी) सृष्टीचे शिल्पकार, कारागिरांचे आराध्य दैवत प्रभू श्री विश्वकर्मा यांची जयंती भडगाव शहरात श्रद्धा, भक्ती आणि सामाजिक ऐक्याचे दर्शन घडवत मोठ्या उत्साहात साजरी करण्यात आली. श्री विश्वकर्मा जयंतीनिमित्त शनिवारी सकाळी साईबाबा मंदिर परिसरात तालुक्यातील सुतार समाजाच्या वतीने प्रभू श्री विश्वकर्मा यांच्या प्रतिमेचे विधिवत पूजन करण्यात आले. यावेळी पारंपरिक पद्धतीने धार्मिक विधी पार पडत परिसर भक्तिमय वातावरणाने भारावून गेला. दरम्यान, विठोबा मिस्तरी व समाजबांधवांच्या वतीने स्वतंत्र मिरवणूक काढण्यात आली होती. समाजातील समन्वय आणि एकोप्याचे दर्शन घडवत मिरवणूक साई मंदिरात आणण्यात आली. येथे प्रभू श्री विश्वकर्मा यांच्या प्रतिमेचे शरद निकम व विठोबा मिस्तरी यांच्या हस्ते पूजन व आरती करण्यात आली. यावेळी उपस्थित समाजबांधवांनी सामूहिक आरतीत सहभाग घेतला. साई मंदिर परिसरात महाप्रसादाचे आयोजन करण्यात आले असून, भाविकांनी मोठ्या संख्येने लाभ घेतला. कारागिरांच्या कष्टाला सन्मान देणाऱ्या या सोहळ्याने सामा...

राजेंद्र खैरनार मुख्य संपादक सत्य शोध न्यूज चॅनल जळगाव | प्रतिनिधी सध्याच्या राजकीय, सामाजिक व आर्थिक अस्थिरतेच्या पार्श्वभूमीवर जनतेच्या मानसिक आरोग्याचा प्रश्न ऐरणीवर असताना, आकाशवाणी जळगावच्या “स्पंदन” या विशेष कार्यक्रमातून सकारात्मक ऊर्जा, मानसिक संतुलन व तणावमुक्त जीवनशैलीचा महत्त्वपूर्ण संदेश देण्यात आला. या कार्यक्रमात रेकी आचार्य व प्राध्यापिका जयश्री वाघ यांनी स्पष्ट शब्दांत सांगितले की, राजकीय धावपळ, सामाजिक स्पर्धा व सततचा तणाव याचा थेट परिणाम सामान्य नागरिकांच्या मानसिक स्वास्थ्यावर होत आहे. शासन, लोकप्रतिनिधी व सामाजिक संस्था यांनी केवळ भौतिक विकास नव्हे तर मानसिक आरोग्यालाही प्राधान्य देणे काळाची गरज असल्याचे त्यांनी अधोरेखित केले. राजकीय निर्णय, निवडणुकीचे ताणतणाव, बेरोजगारी व महागाईसारख्या प्रश्नांमुळे समाजात वाढत असलेली अस्वस्थता कमी करण्यासाठी सकारात्मक विचारसरणी व आत्मिक संतुलन आवश्यक असल्याचे मत त्यांनी मांडले. मानसिकदृष्ट्या सक्षम नागरिक घडल्याशिवाय लोकशाही बळकट होऊ शकत नाही, असा सूचक संदेश या मुलाखतीतून देण्यात आला. कार्यक्रमा...

राजेंद्र खैरनार मुख्य संपादक सत्य शोध न्यूज चॅनल  पाचोरा प्रतिनिधी: पाचोरा शहराच्या विकासात आणखी एक महत्त्वपूर्ण पाऊल टाकत महाराष्ट्र सुवर्ण जयंती नगरोत्थान महाअभियान (राज्यस्तर) योजनेंतर्गत रस्ते विकास प्रकल्पाला सुरुवात होत आहे. पाचोरा नगरपरिषद हद्दीतील प्रभाग क्रमांक ९, साई-पार्क कॉलनी परिसरातील रस्त्यांचे काँक्रिटीकरण कामाचे विधीवत भूमिपूजन रविवार दि. ०१ फेब्रुवारी २०२६ रोजी सकाळी ११.०० वाजता आमदार मा. श्री. किशोर आप्पा पाटील यांच्या शुभहस्ते संपन्न होणार आहे. शहरातील अंतर्गत रस्त्यांची दुरवस्था दूर करून नागरिकांना सुरक्षित, टिकाऊ व दर्जेदार वाहतूक सुविधा उपलब्ध करून देण्याच्या दृष्टीने हा प्रकल्प अत्यंत महत्त्वाचा मानला जात आहे. विशेषतः साई-पार्क कॉलनी परिसरातील नागरिकांची दीर्घकालीन मागणी या कामामुळे पूर्ण होत असून पावसाळ्यातील चिखल, धूळ व वाहतुकीच्या अडचणींना कायमचा दिलासा मिळणार आहे. या विकासकामासाठी नगरपरिषद सदस्य सौ. दिपाली किशोर पाटील, नगरपरिषद सदस्य श्री. सुमित किशोर आप्पा पाटील गरनत, उपाध्यक्ष श्री. किशोर गुणवंतराव बारावकर, लोकनियुक्...

राजेंद्र खैरनार मुख्य संपादक सत्य शोध न्यूज चॅनल पाचोरा — श्री श्री विश्वकर्मा बहुउद्देशीय संस्था, पाचोरा यांच्या पुढाकारातून पाचोरा शहरात उभारण्यात येणाऱ्या भव्य श्री विश्वकर्मा मंदिराच्या जागेवर आज अत्यंत पवित्र, भावनिक आणि ऐतिहासिक क्षणाचा साक्षीदार ठरणारा विधीवत भूमिपूजन सोहळा पार पडला. विश्वकर्मा समाजाच्या अनेक वर्षांच्या श्रद्धा, अपेक्षा व संकल्पनांना आज मूर्त स्वरूप प्राप्त झाले. हा पवित्र सोहळा मा. आमदार किशोर आप्पा पाटील यांच्या शुभहस्ते संपन्न झाला. धार्मिक परंपरेनुसार मंत्रोच्चार, पूजा-पाठ व विधी पार पडून नियोजित मंदिराच्या फलकाचे मान्यवरांच्या उपस्थितीत अनावरण करण्यात आले. श्री विश्वकर्मा जयंती उत्सवानिमित्त आयोजित या कार्यक्रमाला भक्तिभावाचे व उत्साहाचे वातावरण लाभले होते. श्री विश्वकर्मा मंदिर उभारणी ही केवळ वास्तू उभारणी नसून ती विश्वकर्मा समाजाच्या धार्मिक, सांस्कृतिक व सामाजिक अस्मितेचे प्रतीक ठरणार आहे. या मंदिरामुळे समाजबांधवांना श्रद्धा, संस्कार व सांस्कृतिक जडणघडणीचे एक प्रभावी केंद्र मिळणार असल्याची भावना यावेळी उपस्थितांतून व्यक्त झाली. भू...

राजेंद्र खैरनार मुख्य संपादक सत्यशोध न्यूज चॅनल पाचोरा : जुनाट व दीर्घकालीन आजारांनी त्रस्त रुग्णांसाठी दिलासादायक आणि मार्गदर्शक ठरणारा विशेष कार्यक्रम दूरदर्शन सह्याद्रीच्या ‘हॅलो डॉक्टर’ या लोकप्रिय मालिकेतून प्रेक्षकांच्या भेटीला येत आहे. पाचोरा शहरातील सुप्रसिद्ध होमिओपॅथिक तज्ञ डॉ. अविनाश शर्मा (M.D.) यांचे थेट सह्याद्री LIVE प्रसारण शनिवार, 31 जानेवारी 2026 रोजी सायंकाळी 5 वाजता होणार आहे. या विशेष प्रायोजित कार्यक्रमात होमिओपॅथी व जुनाट आजार या महत्त्वाच्या विषयावर सविस्तर मार्गदर्शन करण्यात येणार असून मधुमेह, सांधेदुखी, दमा, त्वचारोग, पचनसंस्थेचे विकार तसेच दीर्घकाळ चालणाऱ्या आजारांमध्ये होमिओपॅथीची भूमिका, उपचारपद्धती व रुग्णांना मिळणारे फायदे याबाबत डॉ. शर्मा थेट संवादातून माहिती देणार आहेत. पाचोरा येथील गायत्री होमिओपॅथिक क्लिनिकच्या माध्यमातून गेल्या अनेक वर्षांपासून यशस्वी उपचार करून रुग्णांचा विश्वास संपादन केलेले डॉ. अविनाश शर्मा यांचा अनुभव या कार्यक्रमातून संपूर्ण महाराष्ट्राला लाभणार आहे. आरोग्याविषयी जागृती करणारा हा कार्यक्रम सर्वसामान्य नाग...

राजेंद्र खैरनार मुख्य संपादक सत्यशोध न्यूज चॅनल कोळगाव — महाराष्ट्र शासनाच्या अधिसूचनेनुसार ३० जानेवारी हा हुतात्मा दिन म्हणून साजरा करण्यात आला. यानिमित्त कला व विज्ञान महाविद्यालय, कोळगाव येथे स्वातंत्र्यलढ्यातील अमर हुतात्म्यांच्या स्मृतींना नमन करण्यात आले. महाविद्यालयाचे प्राचार्य श्री. सुरेश आनंदा कोळी यांच्या मार्गदर्शनाखाली सकाळी अकरा वाजता दोन मिनिटांचे मौन पाळून हुतात्म्यांच्या त्यागाला भावपूर्ण श्रद्धांजली अर्पण करण्यात आली. या कार्यक्रमास प्रा. प्रशांत पाटील, प्रा. मनोज पवार, प्रा. तुषार व्ही. पाटील, श्रीमती मनिषा बोरसे, श्री. प्रेमचंद चौधरी, श्री. प्रवीण देसले, पवार मॅडम, केदार मॅडम यांच्यासह महाविद्यालयातील शिक्षकवृंद, कर्मचारी व विद्यार्थी मोठ्या संख्येने उपस्थित होते. हुतात्म्यांचे बलिदान कधीही विसरता येणार नाही; त्यांच्या विचारांतून राष्ट्रनिष्ठा, देशप्रेम व सामाजिक बांधिलकी जोपासण्याचा संदेश यावेळी देण्यात आला.

राजेंद्र खैरनार मुख्य संपादक – सत्यशोध न्यूज चॅनल पाचोरा | प्रतिनिधी पाचोरा येथील श्री. शेठ मुरलीधरजी मानसिंगका साहित्य, विज्ञान व वाणिज्य महाविद्यालय, मतदार नोंदणी अधिकारी कार्यालय पाचोरा व पाचोरा विधानसभा मतदारसंघ तथा उपविभागीय अधिकारी कार्यालय यांच्या संयुक्त विद्यमाने राष्ट्रीय मतदार दिनानिमित्त लोकशाही मूल्यांचे जनजागरण करणाऱ्या विविध उपक्रमांचे आयोजन करण्यात आले. या कार्यक्रमाच्या अध्यक्षस्थानी महाविद्यालयाचे प्राचार्य, राज्यपाल नियुक्त विद्यापरिषद सदस्य तथा कवयित्री बहिणाबाई चौधरी उत्तर महाराष्ट्र विद्यापीठ, जळगावचे सिनेट सदस्य मा. डॉ. शिरीष पाटील होते. प्रमुख अतिथी म्हणून मा. उपविभागीय अधिकारी श्री. भूषण अहिरे, मा. श्री. नानासाहेब व्ही. टी. जोशी (व्हा. चेअरमन, पाचोरा तालुका सहकारी शिक्षण संस्था व सिनेट सदस्य), मा. श्री. रणजीत पाटील (नायब तहसीलदार, निवडणूक विभाग) उपस्थित होते. यावेळी उपप्राचार्य मा. डॉ. जे. व्ही. पाटील, तांत्रिक सहाय्यक श्री. जयंत जाधव व निवडणूक लिपिक श्री. उमेश वाडेकर यांचीही उपस्थिती होती. सकाळी १२ वाजता डॉ. के. एस. इंगळे (र...

श्री.राजेंद्र खैरनार (9096237788),मुख्य संपादक सत्य शोध न्यूज चॅनल पाचोरा प्रतिनिधी: पाचोरा : कै. पि.के.शिंदे विद्यालय, पुनगाव रोड, पाचोरा येथील विद्यार्थ्यांची शैक्षणिक सहल आज शुक्रवार, दिनांक 30 जानेवारी 2026 रोजी पहाटे सकाळी 5 वाजता अत्यंत उत्साहात संभाजीनगर जिल्ह्याकडे रवाना झाली. सहलीचे नियोजन, अंमलबजावणी व विद्यार्थ्यांची सुरक्षितता याबाबत सर्व बाबी काटेकोरपणे पाळण्यात आल्या असून सहल शिस्तबद्ध वातावरणात यशस्वीपणे सुरू आहे. या सहलीत विद्यालयाचे मुख्याध्यापक श्री सोमवंशी सर,श्री हेमंत टोणपे सर, सुशील महाजन सर, श्रीकांत नागणे सर, देशमुख सर, श्री रविराज सोनवणे सर,श्रीमती सुषमा मॅडम तसेच सर्व उपस्थित शिक्षक-शिक्षिका वृंदांनी सकाळपासून अथक परिश्रम घेत विद्यार्थ्यांची संपूर्ण काळजी घेतली. त्यांच्या मार्गदर्शनाखाली विद्यार्थ्यांनी घृष्णेश्वर ज्योतिर्लिंग मंदिर, दौलताबाद किल्ला, भद्रा मारुती मंदिर व वेरूळ लेणी या संभाजीनगर येथील प्रमुख पर्यटन स्थळे व देवस्थाने यांचे दर्शन घेतले. प्रत्येक स्थळी शैक्षणिक माहिती देत विद्यार्थ्यांना इतिहास, संस्कृती व निसर्...

राजेंद्र खैरनार मुख्य संपादक सत्यशोध न्यूज चॅनल पाचोरा प्रतिनिधी  पाचोरा नगरपरिषद आपल्या दारी हा लोकाभिमुख उपक्रम केवळ घोषणापुरता न राहता प्रत्यक्ष अंमलबजावणीच्या माध्यमातून आज शुक्रवार, दिनांक ३० जानेवारी २०२६ रोजी प्रभाग क्रमांक ३ पासून पहाटे पासुन प्रभावीपणे सुरू करण्यात आला. स्वच्छता, नागरी आरोग्य आणि नागरिकांच्या तक्रारींच्या तात्काळ निवारणासाठी राबविण्यात येणाऱ्या स्वच्छता अभियान पंधरवाडा व तक्रार निवारण मोहिमेमुळे प्रशासन थेट नागरिकांच्या दारात पोहोचल्याचे चित्र दिसून आले. या अभियानाच्या प्रारंभी मा. नगराध्यक्ष सौ. सुनीता किशोर आप्पा पाटील, उपनगराध्यक्ष श्री. किशोर गुणवंत बारवकर, नगरपालिका मुख्याधिकारी श्री. मंगेश देवरे, उपमुख्याधिकारी श्री. दुर्गेश सोनवणे, मराठे साहेब, आरोग्य सभापती तथा नगरसेवक श्री. सतिश आबा चेडे, भाजप नगरसेवकपती श्री. विनोद पाटील, स्वीकृत नगरसेवक ॲड. अविनाश सुतार यांच्यासह विविध विभागांचे अधिकारी व कर्मचारी उपस्थित होते. अभियानांतर्गत परिसरातील स्वच्छता, कचरा व्यवस्थापन, गटारी, पथदिवे व नागरी सुविधा यांची प्...

राजेंद्र खैरनार मुख्य संपादक सत्य शोध न्यूज चॅनल  पाचोरा प्रतिनिधी: पाचोरा–भडगाव मतदारसंघाचे कार्यसम्राट आमदार किशोर आप्पा पाटील यांच्या मार्गदर्शनाखाली पाचोरा नगरपालिकेमार्फत शहरातील विविध प्रभागांमध्ये विकासकामांना गती मिळत आहे. पाचोरा नगरपालिकेच्या नगराध्यक्षा,सौ.सुनिताताई पाटील, उपनगराध्यक्ष किशोर आप्पा बारवकर, प्रभाग क्रमांक ९ चे नगरसेवक सुमित दादा पाटील, नगरसेविका सौ.दिपाली किशोर पाटील यांच्या सक्रिय पुढाकारातून प्रभाग क्रमांक १ व प्रभाग क्रमांक ९ मध्ये नियोजित कामांची सुरुवात अत्यंत नियोजनबद्ध व दर्जेदार पद्धतीने करण्यात आली आहे. या कामांमध्ये पायाभूत सुविधा, अंतर्गत रस्ते, स्वच्छता, निचरा व नागरिकांच्या दैनंदिन गरजांशी निगडित विकासकामांचा समावेश असून, नगरपालिकेचे मुख्याधिकारी मंगेश देवरे, उपमुख्याधिकारी मराठे तसेच अभियंता व कर्मचारी वर्ग, ईलेक्ट्रिक विभागाचे योगेश रेवेकर,प्रत्यक्ष मैदानात उतरून कामांवर लक्ष ठेवत आहेत. त्यामुळे कामांचा दर्जा, वेळेत पूर्तता आणि पारदर्शकता याबाबत नागरिकांमध्ये विश्वास निर्माण झाला आहे. विशेषतः पं...

राजेंद्र खैरनार मुख्य संपादक सत्य शोध न्युज चॅनल नगरदेवळा प्रतिनिधी:- राजकारण म्हणजे फक्त सत्तेची गणितं, कडक निर्णय आणि कठोर शब्द… अशी सर्वसाधारण समजूत असते. पण काही नेते असे असतात, ज्यांच्या एका साध्या वाक्यातून संपूर्ण माणुसकी उलगडते. राष्ट्रवादी काँग्रेस (अजित पवार गट)चे नेते अजित पवार यांच्याबाबत उत्तर महाराष्ट्र युवती अध्यक्ष अभिलाषा रोकडे यांनी सांगितलेला एक अनुभव याच सत्याची साक्ष देतो. मुंबईला पहिल्यांदाच जाण्याचा तो दिवस. त्याच काळात जिल्हाध्यक्षपदाची जबाबदारी मिळालेली. पक्ष संघटनेच्या महत्त्वाच्या बैठकीसाठी अभिलाषा रोकडे मुंबईत दाखल झाल्या. बैठकीनंतर अजित पवार यांची भेट घ्यायची ठरली. देवगिरी बंगल्याबाहेर अफाट गर्दी होती. नवख्या मनात दडपण, भीती आणि संकोच एकाच वेळी दाटून आला. आत गेल्यावर वातावरण अधिकच गंभीर होते. अजित पवार एका अधिकाऱ्यावर चिडले होते. “हे काम चुकीचं केलं आहे. असं काम कोणी करतं का?” तो कडक, ठाम आवाज ऐकून क्षणभर मन गोंधळून गेलं. तेवढ्यात अजितदादांची नजर अभिलाषा रोकडे यांच्याकडे गेली. क्षणात ते थांबले. आवाज बदलला… चेहरा मवाळ झाला… आणि ते म्ह...

राजेंद्र खैरनार मुख्य संपादक सत्य शोध न्यूज चॅनल भडगाव | प्रतिनिधी साप्ताहिक महाराष्ट्र चौफेरचे मुख्य संपादक तथा निर्भीड पत्रकारितेचा ठाम आवाज असलेले श्री अबरार मिर्झा यांचा वाढदिवस भडगाव येथे सर्व मित्रपरिवाराच्या सान्निध्यात उत्साहपूर्ण वातावरणात साजरा करण्यात आला. समाजप्रबोधन, सत्यनिष्ठ पत्रकारिता आणि अन्यायाविरोधात ठाम भूमिका मांडण्याचे कार्य श्री. मिर्झा यांनी आपल्या प्रभावी लेखणीतून सातत्याने केले आहे. त्यांच्या लेखनातून सामाजिक प्रश्नांना वाचा फोडत सामान्य जनतेचा आवाज बुलंद करण्याचे महत्त्वपूर्ण कार्य त्यांनी बजावले आहे. या निर्भीड व प्रामाणिक पत्रकारितेमुळे त्यांना वाचकांचा विश्वास आणि सहकाऱ्यांचा सन्मान लाभला आहे. वाढदिवसानिमित्त उपस्थित मित्रपरिवाराने श्री. अबरार मिर्झा यांना मनःपूर्वक शुभेच्छा देत त्यांच्या पुढील सामाजिक व पत्रकारितेच्या वाटचालीस यश, ऊर्जा व प्रेरणादायी कार्याची सदिच्छा व्यक्त केली.

राजेंद्र खैरनार मुख्य संपादक सत्य शोध न्यूज चॅनल मोंढाळे | प्रतिनिधी शिक्षण म्हणजे केवळ पुस्तके नव्हेत, तर संस्कार, संवेदना आणि समाजभान घडवण्याची प्रक्रिया आहे—याचा जिवंत प्रत्यय जि. प. प्राथमिक शाळा मोंढाळे, ता. पाचोरा, जि. जळगाव येथे प्रजासत्ताक दिनाच्या पावन पर्वावर आला. देशभक्ती, सामाजिक कृतज्ञता आणि शैक्षणिक बांधिलकी यांचा त्रिवेणी संगम या कार्यक्रमात पाहायला मिळाला. ७७ व्या प्रजासत्ताक दिनानिमित्त आयोजित विद्यार्थ्यांच्या विविध कला व गुणदर्शन कार्यक्रमाने परिसरात उत्साहाचे वातावरण निर्माण झाले होते. या आनंदोत्सवाला विशेष अर्थ प्राप्त झाला तो कै. देवराम दादा आखाडे यांच्या स्मरणार्थ राबविण्यात आलेल्या उपक्रमामुळे. त्यांच्या स्मृतीस अभिवादन म्हणून त्यांच्या पत्नी सौ. वत्सलाबाई देवराम आखाडे व जेष्ठ पुत्र प्रभाकर देवराम आखाडे यांच्या हस्ते शाळेतील सर्व १५० विद्यार्थ्यांना स्कुल बॅगचे मोफत वाटप करण्यात आले. ग्रामीण भागातील विद्यार्थ्यांसाठी शैक्षणिक साहित्याचे महत्त्व लक्षात घेता हा उपक्रम केवळ मदत नव्हे, तर शिक्षणप्रवासाला नवी दिशा देणारा ठरला. स्कु...

राजेंद्र खैरनार  मुख्य संपादक सत्य शोध न्यूज चॅनल  देवगाव (रं) | प्रतिनिधी देवगाव (रं) जिल्हा परिषद गट क्रमांक २० मध्ये येत्या निवडणुकीसाठी भारतीय जनता पार्टीकडून प्रचाराची जोरदार आणि नियोजनबद्ध सुरुवात होत असून, मंगळवार दिनांक २७ जानेवारी २०२६ रोजी डॉ. संजय जगन्नाथ गव्हाणे यांच्या प्रचार शुभारंभाचा भव्य कार्यक्रम आयोजित करण्यात आला आहे. विकास, पारदर्शक प्रशासन आणि लोकाभिमुख नेतृत्वाचा विश्वास घेऊन भाजपाने या गटात निवडणूक रणशिंग फुंकले आहे. सकाळी ९ ते १२ या वेळेत ढवळेश्वर संस्थान, देभेगाव  येथे प्रचार शुभारंभ व प्रचार फेरी, तर दुपारी ४ ते ८ या वेळेत देवनाळात व्यापक प्रचार फेरी आयोजित करण्यात आली आहे. या प्रचार मोहिमेत भाजपाचे पदाधिकारी, कार्यकर्ते व नागरिकांचा उत्स्फूर्त सहभाग अपेक्षित आहे. डॉ. संजय गव्हाणे हे सामाजिक, शैक्षणिक व विकासात्मक कामांचा ठसा उमटवणारे नेतृत्व म्हणून ओळखले जात असून, देवगाव (रं) गटाचा सर्वांगीण विकास, मूलभूत सुविधा, रोजगार, आरोग्य व शिक्षण या मुद्द्यांना प्राधान्य देण्याचा निर्धार त्यांनी व्यक्त केला आहे. “जनतेच्या विश्वासा...

राजेंद्र खैरनार मुख्य संपादक, सत्य शोध न्यूज चॅनल ग्रामीण प्रतिनिधी: पाचोरा तालुक्यातील ग्रामीण आरोग्य व्यवस्थेची वास्तव स्थिती पुन्हा एकदा समोर आली असून, पिंपळगाव हरेश्वर येथील ग्रामीण रुग्णालयाची दयनीय अवस्था आणि कोल्हे गावातील कोट्यवधी रुपये खर्चून उभारलेले पण आजही बंद असलेले आरोग्य वर्धिनी उपकेंद्र हे ग्रामीण जनतेच्या आरोग्यावरील प्रशासनाच्या उदासीनतेचे जिवंत उदाहरण ठरत आहे. नागरिकांच्या संयमाचा बांध अखेर तुटल्यानंतर आंदोलनाच्या माध्यमातून प्रशासनाला जागे करावे लागले, ही बाब स्वतःच गंभीर आहे. पिंपळगाव हरेश्वर येथील ग्रामीण रुग्णालयात गेल्या दहा वर्षांपासून एकही कायमस्वरूपी किंवा निवासी डॉक्टर नियुक्त नाही. सध्या केवळ तीन कंत्राटी डॉक्टरांवर संपूर्ण रुग्णालयाचा भार असून तेही बाहेरगावाहून येत असल्याने त्यांची उपस्थिती अनिश्चित असते. परिणामी रुग्णांना तासन्‌तास प्रतीक्षा करावी लागते, तर अनेक वेळा उपचाराअभावी रुग्णांना खासगी रुग्णालयांकडे वळावे लागते. रुग्णालयातील सिस्टर, परिचारिका, तांत्रिक व सहाय्यक कर्मचारी यांची अनेक पदे रिक्त आहेत. औषधांचा नियमित पुरवठा नसल...

राजेंद्र खैरनार मुख्य संपादक शोध न्यूज चॅनल  पाचोरा प्रतिनिधी: आज आपल्या आदर्श गाव लासुरे येथे ७७ वा प्रजासत्ताक दिन साजरा होताना एक वेगळाच इतिहास घडला. झगमगाट नव्हता, दिखावा नव्हता, मोठमोठ्या व्यवस्था नव्हत्या—पण तरीही देशभक्तीची ज्योत इतकी प्रखर होती की प्रत्येक डोळा पाणावला आणि प्रत्येक छाती अभिमानाने भरून आली. जिल्हा परिषद मराठी शाळा म्हणजे काय असते, हे आज शब्दांत नाही तर कृतीतून, सादरीकरणातून आणि निरागस आत्मविश्वासातून लासुरेच्या चिमुकल्यांनी दाखवून दिले. ना भलेमोठे स्टेज, ना महागडी साउंड सिस्टीम, ना रंगीबेरंगी डेकोरेशन— तरीही साध्या शाळेच्या व्हरांड्यात उभं राहून या लेकरांनी आपल्या अंगी असलेली गुणवत्ता, देशप्रेम आणि आत्मसन्मान इतक्या ताकदीने मांडला की प्रजासत्ताक दिनाचा खरा अर्थ समोर आला. आज हे स्पष्ट झाले की देशभक्ती ही साधनांवर नाही, तर संस्कारांवर उभी असते. आज हे पटले की शिक्षण म्हणजे फक्त पुस्तकं नाहीत, तर राष्ट्र घडवणारी मूल्यं आहेत. आणि आज हेही उमगले की भारताचं भविष्य सुरक्षित हातात आहे—लासुरेसारख्या शाळांमध्ये, अशा चिमुकल्या सैनिकांमध्ये. या सर्...

✍️ राजेंद्र खैरनार मुख्य संपादक — सत्य शोध न्यूज चॅनल राज्यातील मुदत संपलेल्या तसेच डिसेंबर २०२६ पर्यंत मुदत संपत असलेल्या ग्रामपंचायतींवर प्रशासक नियुक्तीबाबत नुकतीच मुंबई उच्च न्यायालयात जनहित याचिकेवर सुनावणी पार पडली. यावेळी न्यायालयाने स्पष्ट आदेश देत राज्य सरकार व प्रशासनाला तात्काळ प्रशासक नेमण्याचे निर्देश दिले असून, न्यायालयाचा अवमान होऊ नये म्हणून प्रशासनाने हालचाली सुरू केल्या आहेत. या पार्श्वभूमीवर मुदत संपलेल्या ग्रामपंचायतींवर प्रशासक म्हणून गावातीलच सामाजिक, शैक्षणिक व विशेष उल्लेखनीय कार्य करणाऱ्या व्यक्तींची किंवा माजी सैनिकांची नियुक्ती करण्यात यावी, अशी ठाम व रास्त मागणी सामाजिक कार्यकर्ते श्री. अनिल सावंत सर यांनी केली आहे. सध्याच्या राजकीय परिस्थितीत अनेक ठिकाणी प्रशासक नियुक्त्या राजकीय दबावाखाली होत असल्याचा आरोप होत आहे. मात्र, गावातील निस्वार्थी सामाजिक कार्यकर्ते किंवा देशसेवा बजावलेले माजी सैनिक हे राजकीय प्रभावापासून दूर राहून पारदर्शक कारभार करू शकतात, असा विश्वास श्री. सावंत यांनी व्यक्त केला आहे. ग्रामीण भागातील अनेक विकासकामे केवळ...

राजेंद्र खैरनार मुख्य संपादक सत्य शोध न्युज चॅनल  पाचोरा | प्रतिनिधी प्रजासत्ताक दिनाच्या पावन पर्वावर पाचोरा शहराच्या सुरक्षाव्यवस्थेला अधिक सक्षम करणारी, दीर्घकालीन दृष्टीकोनातून अत्यंत महत्त्वाची अशी पायाभरणी करण्यात आली. शहरातील सर्वाधिक वर्दळीच्या आणि संवेदनशील असलेल्या आठवडे बाजार परिसरात नव्या जागेवर उभारण्यात येणाऱ्या आधुनिक व सुसज्ज पोलिस चौकीच्या इमारतीचे भूमिपूजन मोठ्या उत्साहात संपन्न झाले. हा उपक्रम म्हणजे पाचोऱ्याच्या कायदा-सुव्यवस्थेसाठी मिळालेली एक ठोस व विश्वासार्ह भेट ठरली आहे. आठवडे बाजार परिसरात यापूर्वी पोलिस चौकी कार्यरत होती; मात्र ती जागेच्या मर्यादा, वाढती लोकसंख्या, व्यापारी हालचाली आणि बाजारातील वाढलेली वर्दळ लक्षात घेता अपुरी ठरत होती. या पार्श्वभूमीवर जुन्या चौकीच्या जागेऐवजी आता अधिक मोक्याच्या आणि सोयीस्कर ठिकाणी आधुनिक सुविधा, प्रशस्त जागा आणि प्रभावी कार्यक्षमतेची पोलिस चौकी उभारण्यात येत आहे. यामुळे केवळ गुन्हे नियंत्रणच नव्हे तर नागरिकांमध्ये सुरक्षिततेची भावना अधिक दृढ होण्यास मदत होणार आहे. या भूमिपूजन सोहळ्यास भडगाव–पाचो...