“10वी उत्तीर्ण विद्यार्थ्यांसाठी सुवर्णसंधी; 11वी ऑनलाईन प्रवेश प्रक्रियेसाठी एम एम महाविद्यालयाची विशेष मदत"

राजेंद्र खैरनार

मुख्य संपादक – सत्यशोध न्यूज चॅनल

पाचोरा येथील एम एम कनिष्ठ महाविद्यालयाने इयत्ता 11 वी केंद्रीय ऑनलाईन प्रवेश प्रक्रिया (सन 2026-27) सुलभ व्हावी यासाठी विद्यार्थ्यांसाठी विशेष सुविधा उपलब्ध करून दिली आहे. 10 वी उत्तीर्ण विद्यार्थ्यांना 21 मे व 22 मे 2026 या दोन दिवसांत ऑनलाईन प्रवेश प्रक्रिया पूर्ण करण्यासाठी महाविद्यालयामार्फत मोफत मार्गदर्शन व सुविधा देण्यात येणार आहे.

विद्यार्थी व पालकांची गैरसोय टाळण्यासाठी महाविद्यालयाच्या कॉम्प्युटर लॅबमध्ये ऑनलाईन अर्जाचा भाग 1 तसेच भाग 2 (महाविद्यालय पसंती क्रम भरणे) ही प्रक्रिया पूर्ण करून दिली जाणार आहे.

बोर्डाकडून ऑनलाईन फॉर्म भरण्याची सुविधा दिनांक 21/05/2026 ते 22/05/2026 रोजी सायंकाळी 6 वाजेपर्यंत उपलब्ध राहणार असून, महाविद्यालयात सकाळी 10 ते दुपारी 2 वाजेपर्यंत विद्यार्थ्यांना प्रत्यक्ष सुविधा दिली जाणार आहे.

📍 ठिकाण

कॉम्प्युटर लॅब, प्राचार्य केबिनच्या वर,
एम एम महाविद्यालय, पाचोरा

📌 आवश्यक सूचना

👉 विद्यार्थ्यांनी 10 वी मार्कशीटची ऑनलाईन प्रिंट सोबत आणावी.
👉 आधार कार्ड, पासपोर्ट फोटो तसेच आवश्यक असल्यास जात प्रमाणपत्र (Caste Certificate) आणणे बंधनकारक आहे.
👉 विद्यार्थ्यांनी दिलेल्या वेळापत्रकानुसार वेळेत प्रवेश प्रक्रिया पूर्ण करून घ्यावी.

विद्यार्थ्यांनी व पालकांनी या सुविधेचा लाभ घेऊन 11 वी प्रवेश प्रक्रिया अडचणीविना पूर्ण करावी, असे आवाहन एम एम कनिष्ठ महाविद्यालय प्रशासनाकडून करण्यात आले आहे.