राजेंद्र खैरनार | मुख्य संपादक, सत्य शोध न्यूज भडगाव : शहरातील दिलखुश मेन्स सलूनचे नूतनीकरण करून नव्या आकर्षक रूपात भव्य उद्घाटन करण्यात आले. या उद्घाटनप्रसंगी पाचोरा नगरपरिषदेचे गटनेते सुमितदादा पाटील, भडगाव नगरपरिषदेचे गटनेते लखीचंद भाऊ पाटील तसेच नगरसेवक यांनी सदिच्छा भेट देत नव्या व्यवसायाला शुभेच्छा दिल्या. यावेळी मान्यवरांच्या हस्ते सलूनचे संचालक श्री. भालचंद्र चव्हाण यांचा पुष्पगुच्छ देऊन सत्कार करण्यात आला. नूतनीकरणानंतर अधिक आधुनिक व आकर्षक स्वरूप प्राप्त झालेल्या ‘दिलखुश मेन्स सलून’च्या नव्या वाटचालीचे उपस्थितांनी कौतुक केले. ग्राहकांना दर्जेदार सेवा, आधुनिक सुविधा आणि आपुलकीचा अनुभव देण्याच्या उद्देशाने सुरू झालेल्या या नव्या प्रवासासाठी चव्हाण परिवारास पुढील वाटचालीस मनःपूर्वक शुभेच्छा देण्यात आल्या. भडगाव शहरातील ग्राहकांच्या पसंतीस उतरणाऱ्या ‘दिलखुश मेन्स सलून’च्या नव्या रूपामुळे व्यवसायाला निश्चितच नवी उंची मिळेल, असा विश्वास यावेळी उपस्थित मान्यवरांनी व्यक्त केला.

राजेंद्र खैरनार | पाचोरा मुख्य संपादक, सत्यशोध न्यूज दिनांक : ०८/०९/२०२६ भडगाव : भडगाव शहरातील टोनगाव परिसरात तलाठी कार्यालय, बसस्थानक आणि पंचायत समिती कार्यालयापासून अगदी हाकेच्या अंतरावर एका ठिकाणी मोठ्या प्रमाणात कथित जुगार व सट्ट्याचा अड्डा सुरू असल्याच्या तक्रारी समोर आल्या आहेत. या ठिकाणी दिवसभर मोठ्या प्रमाणावर वर्दळ होत असून, कथित जुगार-सट्ट्याच्या व्यवहारांमुळे परिसरात आरडाओरड, गोंधळ आणि धिंगाण्याचे वातावरण निर्माण होत असल्याची माहिती स्थानिक नागरिकांकडून देण्यात आली आहे. टोनगाव परिसरातील संबंधित ठिकाणी दिवसभर, विशेषतः गर्दीच्या वेळेत, मोठ्या प्रमाणात लोकांची ये-जा होत असल्याचे सांगण्यात येते. येथे कथितरीत्या जुगार आणि सट्ट्याचे व्यवहार सुरू असल्याचा आरोप असून, त्यातून परिसरातील शांततेला बाधा निर्माण होत असल्याच्या तक्रारी नागरिकांनी व्यक्त केल्या आहेत. या प्रकारामुळे परिसरातील नागरिकांसह बसस्थानकावर येणारे प्रवासी, विविध शासकीय कामांसाठी शहरात येणारे ग्रामीण भागातील नागरिक तसेच शाळा-महाविद्यालयीन विद्यार्थ्यांनाही त्रास सहन करावा लागत असल्याचे स्थानिकांचे म्...

राजेंद्र खैरनार | मुख्य संपादक, सत्य शोध न्यूज पाचोरा : खुनाचा प्रयत्न केल्याप्रकरणी ठाणे जिल्ह्यातील किन्हवली पोलीस ठाण्यात दाखल असलेल्या गुन्ह्यातील फरार संशयित आरोपीस पाचोरा पोलिसांच्या गुन्हे शोध पथकाने मोठ्या शिताफीने पाचोरा शहरातील भाजी मंडई परिसरातून ताब्यात घेतले. प्रितम नवनीत पाटील (वय २५, रा. पाथर्डी फाटा, नाशिक) असे ताब्यात घेतलेल्या आरोपीचे नाव आहे. मा. पोलीस अधीक्षक श्री. श्रीकांत ढिवरे यांच्या आदेशान्वये दि. ७ सप्टेंबर २०२६ रोजी सायंकाळी ५ वाजेपासून पाचोरा शहरात चोरी व मालमत्तेविषयक गुन्ह्यांतील आरोपींचा शोध घेण्यासाठी पाचोरा पोलिसांचे गुन्हे शोध पथक कार्यरत होते. यावेळी पोहेकॉ राहुल काशिनाथ शिंपी यांना गुप्त बातमीदारामार्फत प्रितम पाटील हा किन्हवली पोलीस ठाण्यात दाखल गंभीर गुन्ह्यात फरार असून, तो सध्या पाचोरा शहरात असल्याची माहिती मिळाली. माहिती मिळताच पोलीस निरीक्षक राहुलकुमार पवार यांच्या मार्गदर्शनाखाली पथकाने तत्काळ कारवाई सुरू केली. संशयिताच्या मोबाईल क्रमांकाचे लोकेशन तपासले असता ते भाजी मंडई, पाचोरा परिसरात असल्याचे निष्पन्न झाले. पोलिसांचे पथक तत्काळ ...

पाचोरा -येथील पंचायत समिती शिक्षण विभाग पाचोरा व विज्ञान अध्यापक मंडळ पाचोरा यांच्या संयुक्त विद्यमाने आज 7 सप्टेंबर 2026  रोजी श्री गो . से.हायस्कूल पाचोरा येथे विज्ञान नाट्योत्सव स्पर्धा संपन्न झाली. या स्पर्धेत तालुक्यातील 7 शाळांमधील 64 विद्यार्थ्यांनी सहभाग नोंदविला. सदर स्पर्धेचे परीक्षक म्हणून प्राध्यापक डॉ.शरद पाटील एम एम कॉलेज पाचोरा यांनी काम पाहिले. सदर कार्यक्रमाच्या उदघाटन व समारोप प्रसंगी तालुक्याचे गटशिक्षणाधिकारी विजय पवार,केंद्रप्रमुख राजेश सोनवणे, गो . से हायस्कूल मुख्याध्यापक  आर एल पाटील, विज्ञान समन्वयक रवींद्र चौधरी, आर. एच. सूर्यवंशी, उल्हास पाटील, रवींद्र वाणी इत्यादी उपस्थित होते. कार्यक्रमाच्या अध्यक्षीय मनोगतात गट शिक्षणाधिकारी विजय पवार यांनी आजचे विद्यार्थी उद्याची आव्हाने विज्ञानाच्या साह्याने पार पाडतील असे सांगत विद्यार्थ्यांना मार्गदर्शन केले.  गो से. हायस्कूलचे मुख्याध्यापक  आर एल पाटील सर यांनी प्रत्येक विद्यार्थ्याला बिस्कीट पुडा वाटून विद्यार्थ्यांचा आनंद द्विगुणीत केला. सूत्रसंचालन व आभार प्रदर्शन  वि...

राजेंद्र खैरनार | मुख्य संपादक, सत्य शोध न्यूज पाचोरा/चाळीसगाव : आजच्या काळात एखादी मौल्यवान वस्तू सापडली की ती आपल्या मालकीची समजण्याची प्रवृत्ती वाढताना दिसते. मात्र या स्वार्थाच्या गर्दीतही प्रामाणिकपणा, माणुसकी आणि दुसऱ्याच्या हक्काची जाणीव जपणारी माणसं अजूनही समाजात आहेत, याचा हृदयस्पर्शी प्रत्यय धारेश्वरच्या प्रवासादरम्यान आला. धारेश्वर महादेवाच्या दर्शनासाठी गेलेल्या एका कुटुंबाचा हा प्रवास सुरुवातीला श्रद्धा, निसर्ग आणि आनंदाने भरलेला होता. बनोटीच्या पुढे धरणाजवळ वाहन उभे करून पुढचा तब्बल ५ ते ६ किलोमीटरचा खडतर रस्ता कुटुंबाला पायी पार करावा लागला. सोबत वयोवृद्ध आई-वडील असल्याने प्रत्येक पाऊल जड जात होते. कधी हाताचा आधार देत, तर कधी झाडाखाली विश्रांती घेत कुटुंबाने अखेर धारेश्वर गाठले. समोर सुमारे ३०० फुटांवरून कोसळणारा शुभ्र धबधबा, हिरवाईने नटलेला परिसर आणि कपारीत शांतपणे वसलेली महादेवाची पिंड पाहताच सारा थकवा नाहीसा झाला. दर्शन घेतल्यानंतर आणि निसर्गाचा आनंद लुटल्यानंतर कुटुंब पुन्हा परतीच्या वाटेला लागले. मात्र सुमारे चार किलोमीटर चालून आल...

राजेंद्र खैरनार पाचोरा मुख्य संपादक सत्य शोध न्यूज जळगाव : सायबर गुन्ह्यांपासून सुरक्षित राहण्यासाठी नागरिकांनी सजग राहणे आवश्यक असल्याचा संदेश ब्राह्मण सभागृह येथे आयोजित सायबर सिक्युरिटी इम्पॅक्ट सेशनमधून देण्यात आला. सायबर वॉरियर विद्या विशाल सोनवणे आणि साक्षी तानाजी पाटील यांनी नागरिकांशी थेट संवाद साधत सायबर सिक्युरिटीची माहिती दिली. मोबाईल, इंटरनेट, सोशल मीडिया आणि ऑनलाइन बँकिंगचा वापर करताना घ्यावयाची काळजी याबाबत उपस्थितांना मार्गदर्शन करण्यात आले. या कार्यक्रमाला कार्यालय सचिव गणेश भगवान माळी यांचे सहकार्य लाभले. कार्यक्रम डॉ. आर. बी. आमले यांच्या मार्गदर्शनाखाली पार पडला. सायबर सुरक्षेसाठी उपयुक्त असलेल्या Quick Heal Foundation च्या Anti Fraud App ची माहिती देण्यात आली. नागरिकांना ॲप डाउनलोड करून त्याचा उपयोग समजावून सांगण्यात आला.

राजेंद्र खैरनार | मुख्य संपादक, सत्य शोध न्यूज पाचोरा : महसूल व वनविभागाच्या शासन निर्णयानुसार तसेच जिल्हाधिकारी, जळगाव यांच्या निर्देशान्वये १ सप्टेंबर २०२६ ते ३१ मार्च २०२७ या कालावधीत संपूर्ण जिल्ह्यात “महात्मा ज्योतिराव फुले महसूल लोक अदालत अभियान” राबविण्यात येत आहे. या अभियानाच्या माध्यमातून प्रलंबित महसुली दावे व अपिलांचा जलदगतीने निपटारा करण्यावर भर देण्यात आला आहे. या अभियानांतर्गत उपविभागीय अधिकारी, पाचोरा भाग पाचोरा यांच्या अर्धन्यायिक न्यायालयांमध्ये प्रलंबित असलेल्या विविध प्रकारच्या महसुली दावे व अपिलांचा समावेश करण्यात आला आहे. त्यानुसार पाचोरा येथे या अभियानाचे विशेष आयोजन करण्यात आले आहे. दि. १७ सप्टेंबर २०२६ रोजी उपविभागीय अधिकारी कार्यालय, पाचोरा येथे एकूण ७१ आरटीएस अपिलांवर सुनावणी घेण्यात येणार आहे. यामध्ये प्रथम सत्र दुपारी २ ते सायंकाळी ४ वाजेपर्यंत ३४ अपिलांवर, तर द्वितीय सत्र सायंकाळी ४ ते ६ वाजेपर्यंत ३७ अपिलांवर सुनावणी होणार आहे. तसेच या अभियानांतर्गत दि. ६ जानेवारी २०२७ रोजीही उपविभागीय अधिकारी कार्यालय, पाचोरा येथे महसूल लोकअदालत आयोजित करण्यात...