राजेंद्र खैरनार पाचोरा मुख्य संपादक सत्य शोध न्यूज नागपूर : महाराष्ट्र राज्य पत्रकार संघाचे नागपूर विदर्भ अध्यक्ष तथा दैनिक पुलगाव टाइम्सचे संपादक, ज्येष्ठ पत्रकार स्व. अनुपकुमार भार्गव यांचे नुकतेच नागपूर येथे उपचारादरम्यान हृदयविकाराच्या तीव्र झटक्याने निधन झाले. त्यांच्या निधनाच्या अवघ्या आठ दिवसांपूर्वी त्यांच्या मातोश्री स्व. पार्वतीदेवी यांचेही निधन झाले. या दु:खद प्रसंगी महाराष्ट्र राज्य पत्रकार संघाच्या वतीने त्यांच्या कुटुंबीयांची सांत्वन भेट घेऊन स्व. अनुपकुमार भार्गव यांच्या प्रतिमेस पुष्पहार अर्पण करून भावपूर्ण श्रद्धांजली वाहण्यात आली. यावेळी त्यांच्या कार्यकाळातील अनेक आठवणींना उजाळा देण्यात आला. विशेषतः ‘दीक्षाभूमी ते मंत्रालय संवाद यात्रा’ तसेच पत्रकारांच्या विविध प्रश्नांसाठी झालेल्या आंदोलनांमध्ये स्व. भार्गव यांनी वसंतराव मुंडे आणि महाराष्ट्र राज्य पत्रकार संघाचे राज्य सरचिटणीस तथा दैनिक समर्थ गांवकरीचे संपादक डॉ. विश्वासराव आरोटे यांच्या सोबत खांद्याला खांदा लावून सक्रिय सहभाग घेतला होता. पत्रकारांच्या न्याय्य हक्कांसाठी त्यांनी श...

राजेंद्र खैरनार पाचोरा  मुख्य संपादक, सत्य शोध न्यूज पाचोरा : गुरुदत्त नगर, कृष्णापुरी, पाचोरा येथील हटकेश्वर महादेव मंदिराचा तृतीय वर्धापन दिनानिमित्त आयोजित अखंड हरिनाम कीर्तन सप्ताहाची भक्तिमय वातावरणात नुकतीच सांगता झाली. जगद्गुरू जनार्दन स्वामी यांच्या कृपाशीर्वादाने व मठाधिपती ह.भ.प. गोविंद महाराज पाचोरेकर यांच्या मार्गदर्शनाखाली आयोजित करण्यात आलेल्या या सप्ताहाला भाविकांचा उत्स्फूर्त प्रतिसाद लाभला. दि. १४ ते २१ ऑगस्टदरम्यान झालेल्या या सप्ताहात ह.भ.प. राधाकिशोरी महाराज, ह.भ.प. नारायण महाराज भडणेकर, ह.भ.प. अमृत महाराज गाढे (बेटावद), ह.भ.प. महंत समाधान महाराज भोजेकर (जळगाव), ह.भ.प. गणेश महाराज काचोळे, ह.भ.प. प्रियंका ताई काचोळे यांचे जुगलबंदी कीर्तन, ह.भ.प. गजाननजी महाराज वरसाडेकर, ह.भ.प. अरुण महाराज जामठी तसेच मठाधिपती ह.भ.प. गोविंद महाराज पाचोरेकर यांच्यासह विविध कीर्तनकारांनी भक्ती, नामस्मरण व अध्यात्माचा संदेश दिला. दररोज सकाळी ५ ते ६ वाजता सामुदायिक काकडा आरती तसेच सायंकाळी ५ ते ६ वाजता हरिपाठ घेण्यात येत होता....

राजेंद्र खैरनार पाचोरा मुख्य संपादक, सत्य शोध न्यूज पाचोरा : कर्तव्य बजावताना अनेक अधिकारी आपली जबाबदारी पार पाडतात; मात्र संकटाच्या क्षणी स्वतःचा विचार न करता अनोळखी व्यक्तींच्या मदतीसाठी धावून जाणारे अधिकारी समाजाच्या मनात कायमचे स्थान निर्माण करतात. अशीच एक हृदयस्पर्शी आणि माणुसकीला सलाम करायला लावणारी घटना पाचोरा शहराबाहेर घडली. तालुक्याचे आदरणीय गटशिक्षणाधिकारी श्री. विजय पवार साहेब तसेच पिंपळगाव (हरे) केंद्राचे विशेष शिक्षक श्री. घनःश्याम चौधरी सर हे वरखेडी येथे वस्तीगृह तपासणीसाठी गेले होते. तपासणीचे काम पूर्ण करून ते पाचोऱ्याकडे परतत असताना साइमोक्ष लॉन्स परिसराच्या जवळ एक भीषण अपघात झालेला त्यांच्या निदर्शनास आला. मोटरसायकलसमोर अचानक कुत्रा आडवा आल्याने दुचाकी घसरून अपघात झाला होता. अपघातात कोकडी तांडा येथील रहिवासी असलेले वृद्ध दाम्पत्य आणि त्यांची मुलगी गंभीर जखमी झाले होते. वृद्ध आई-वडिलांची शुद्ध हरपली होती, तर मुलगीही जखमी अवस्थेत विव्हळत मदतीची वाट पाहत होती. हा प्रसंग पाहताच विजय पवार साहेबांनी क्षणाचाही विलंब न करता आपली गाडी थांबवली. आजूबाजूला ...

राजेंद्र खैरनार मुख्य संपादक, सत्य शोध न्यूज पाचोरा : पिंपळगाव हरे पोलीस ठाण्यात दाखल असलेल्या गुन्ह्यातील प्रकरणाचा पाचोरा येथील मा. न्यायालयात २० ऑगस्ट २०२६ रोजी निकाल लागला. मा. न्यायालयीन दंडाधिकारी जी. एस. बोरा मॅडम यांच्या न्यायालयात झालेल्या सुनावणीत चार आरोपींना भारतीय दंड संहितेतील विविध कलमांन्वये दोषी ठरविण्यात आले. पिंपळगाव हरे पोलीस ठाण्यात गुन्हा रजिस्टर क्रमांक ५५/२०२२ अन्वये भारतीय दंड संहितेच्या कलम १४३, १४७, १४८, १४९, ३२४, ३२३, ४४७, ४५२, ५०४, ५०६ व ४०३ प्रमाणे गुन्हा दाखल करण्यात आला होता. या प्रकरणात फिर्यादी विजय भाऊसिंग परदेशी यांनी तक्रार दाखल केली होती. आरोपी रमेश गुलचंद परदेशी व इतर तीन जणांविरुद्ध आरसीसी क्रमांक १४३/२०२२ अन्वये न्यायालयीन कार्यवाही सुरू होती. सदर प्रकरणात न्यायालयाने आरोपींना फौजदारी प्रक्रिया संहितेच्या कलम २४८(२) नुसार दोषी ठरवित, भारतीय दंड संहितेतील कलम १४९, ३२३, ४४७ व ४२७ अन्वये दोष सिद्ध झाल्याचे नमूद केले. तसेच फिर्यादीस नुकसानभरपाई म्हणून एकूण १० हजार रुपयांच्या दंडाची शिक्षा सुनावण्यात आली. आरोपींना चांगल्या वर्तणुकीच्या बं...

राजेंद्र खैरनार पाचोरा मुख्य संपादक सत्य शोध न्युज प्रतिनिधी : जळगाव जळगाव जिल्हा काँग्रेस अनुसूचित जाती विभागाचे नवनियुक्त जिल्हाध्यक्ष ॲड. अंकुश कटारे हे प्रदेश अध्यक्ष मा. अनिरुद्ध वनकर व जिल्हा काँग्रेस अध्यक्ष ॲड. अविनाश भालेराव यांच्या सूचनेनुसार दि. २२ ते २४ ऑगस्टदरम्यान जळगाव जिल्ह्याच्या पश्चिम भागाचा दौरा करणार आहेत. या दौऱ्यात महाराष्ट्र प्रदेश सरचिटणीस राहुल मोरे तसेच माजी प्रदेश सचिव अनिरुद्ध सावळे हे त्यांच्यासोबत उपस्थित राहणार आहेत. पश्चिम जिल्हा काँग्रेसच्या कार्यक्षेत्रातील सात विधानसभा मतदारसंघांमध्ये कार्यकर्त्यांशी संवाद साधून अनुसूचित जाती विभागाचे संघटन अधिक मजबूत करण्याबाबत चर्चा करण्यात येणार आहे. तसेच जिल्हा कार्यकारिणी, तालुकाध्यक्ष व शहराध्यक्ष यांच्या निवडीबाबतही पदाधिकारी व कार्यकर्त्यांशी विचारविनिमय केला जाणार आहे. दौऱ्याचे वेळापत्रक दि. २२ ऑगस्ट चाळीसगाव — सकाळी १० वाजता भडगाव — दुपारी २ वाजता एरंडोल — सायंकाळी ५ वाजता दि. २३ ऑगस्ट अमळनेर — सकाळी १० वाजता धरणगाव — दुपारी २ वाजता पारोळा — सायंकाळी ५ वाजता दि. ...

राजेंद्र खैरनार पाचोरा मुख्य संपादक सत्यशोध न्यूज  तारखेडा परिसरातील रेल्वे गेट व शेतकरी रस्ता बंद प्रकरणी ग्रामस्थांनी आमदार किशोर आप्पा पाटील यांची भेट घेऊन आपली समस्या मांडली होती. रेल्वे प्रशासनाकडून शेतकऱ्यांसाठी वापरला जाणारा रस्ता अचानक बंद करण्यात आल्याने नागरिक व शेतकऱ्यांमध्ये तीव्र नाराजी निर्माण झाली होती. या प्रश्नाची गंभीर दखल घेत आमदार किशोर आप्पा पाटील यांनी तातडीने खासदार स्मिताताई वाघ यांच्याशी संपर्क साधून सदर समस्या सोडविण्यासाठी सांगितले यानंतर शिवसेना तालुकाप्रमुख राजेंद्र (राजू दादा) पाटील यांनीही खासदार स्मिताताई वाघ यांच्याशी दूरध्वनीवर चर्चा करून परिसरातील रेल्वे मार्गावरील अडचणी व ग्रामस्थांच्या मागण्या त्यांच्यासमोर मांडल्या. आमदार किशोर आप्पा पाटील यांच्या सूचनेनुसार आणि तालुकाप्रमुख राजू दादा पाटील यांच्या सातत्यपूर्ण पाठपुराव्याची दखल घेत खासदार स्मिताताई वाघ यांनी अवघ्या दोन ते तीन दिवसात तारखेडा येथे भेट देऊन प्रत्यक्ष पाहणी केली. पाहणीदरम्यान खासदार स्मिताताई वाघ यांनी रेल्वे मार्गालगत विविध ठिकाणी जाऊन परिस्थितीचा सविस्तर आढावा घेतला....

राजेंद्र खैरनार मुख्य संपादक, सत्य शोध न्यूज पाचोरा : पाचोरा शहरातील प्रभाग क्रमांक १३ मधील दीर्घकाळापासून प्रलंबित असलेल्या विविध विकासकामांना अखेर प्रत्यक्ष सुरुवात झाली असून, या कामांचा भूमिपूजन सोहळा उत्साहपूर्ण वातावरणात मान्यवर व नागरिकांच्या उपस्थितीत पार पडला. रखडलेल्या कामांना आता गती मिळाल्याने प्रभागातील नागरिकांमध्ये समाधानाचे वातावरण निर्माण झाले आहे. पाचोरा-भडगाव विधानसभा मतदारसंघाचे कार्यसम्राट आमदार किशोर आप्पा पाटील यांच्या नेतृत्वाखाली तसेच पाचोरा नगरपरिषदेच्या नगराध्यक्षा सौ. सुनीताताई पाटील, उपनगराध्यक्ष किशोर आप्पा बारवकर आणि मुख्याधिकारी मंगेश देवरे यांच्या मार्गदर्शनाखाली नगरपरिषद हद्दीतील विकासकामांना चालना देण्याच्या प्रयत्नांतर्गत प्रभाग क्रमांक १३ मधील प्रलंबित कामांचा शुभारंभ करण्यात आला. नागरिकांच्या अपेक्षांना मिळाला विकासाचा हातभार प्रभाग क्रमांक १३ मध्ये विविध नागरी सुविधांशी संबंधित प्रश्न अनेक दिवसांपासून प्रलंबित असल्याने नागरिकांकडून विकासकामे मार्गी लावण्याची अपेक्षा व्यक्त केली जात होती. अखेर संबंधित कामांना प्रत्यक्ष सुरुवा...