*💥🎯🚨 पुण्यश्लोक अहिल्यादेवींच्या विचारांना अभिवादन; पाचोऱ्यात २३१ वी पुण्यतिथी उत्साहात साजरी!**💥🎯🚨प्रतिमा पूजन, पुष्पहार अर्पण व घोषणांनी परिसर दुमदुमला; प्रा. अतुल सूर्यवंशी यांचे मार्गदर्शन*

राजेंद्र खैरनार | मुख्य संपादक, सत्यशोध न्यूज

पाचोरा : राजमाता पुण्यश्लोक अहिल्यादेवी होळकर यांच्या २३१ व्या पुण्यतिथीनिमित्त पाचोरा येथील जळगाव चौफुली परिसरात त्यांच्या प्रतिमेचे पूजन करून पुष्पहार अर्पण करण्यात आला. यावेळी विविध घोषणा देत पुण्यश्लोक अहिल्यादेवींना भावपूर्ण अभिवादन करण्यात आले.

कार्यक्रमावेळी प्राध्यापक श्री. अतुल सूर्यवंशी सर यांनी उपस्थितांना मार्गदर्शन करत अहिल्यादेवी होळकर यांच्या कार्याचा, लोककल्याणकारी विचारांचा आणि समाजहितासाठी त्यांनी दिलेल्या योगदानाचा आढावा घेतला.

या कार्यक्रमास धनगर समाज उन्नती मंडळ महाराष्ट्र राज्याचे उपजिल्हाध्यक्ष श्री. किशोरजी पेढारकर, धनगर समाज उन्नती मंडळ पाचोरा शहर अध्यक्ष व माजी शिवसेना नगरसेविका पती बापू हटकर, तसेच सुनील निळे, नामदेव धनगर, धोंडू जिभू, उपाध्यक्ष निवृत्ती हटकर, नाना धनगर, बोरसे मामा, प्रशांत धनगर, विलास पाटील, श्रीराम पाटील, सुनील धनगर, विशाल हटकर, अतुल हटकर, प्रविण हटकर, सचिन हटकर, अश्विन हटकर, आण्णा धनगर, निलेश धनगर यांच्यासह समाजबांधव व महिला भगिनी मोठ्या संख्येने उपस्थित होत्या.

पुण्यश्लोक अहिल्यादेवी होळकर यांच्या न्याय, समता, लोककल्याण आणि समाजसेवेच्या विचारांचा वारसा पुढे नेण्याचा संकल्प यावेळी व्यक्त करण्यात आला.