🌙 ईद-ए-मिलादुन्नबी ﷺ : सेवा, प्रेम आणि माणुसकीचा संदेश 🌙

राजेंद्र खैरनार पाचोरा मुख्य संपादक सत्यशोध न्यूज

आज सहारा फाउंडेशन, पाचोरा यांच्या वतीने ईद-ए-मिलादुन्नबी ﷺ च्या मुबारक प्रसंगी कालिंदीबाई मतिमंद विद्यालयात एक सुंदर आणि माणुसकीने भरलेला उपक्रम राबविण्यात आला.

पैगंबर-ए-इस्लाम हजरत मुहम्मद ﷺ यांच्या विलादत-ए-मुबारकच्या आनंदानिमित्त आज मतिमंद आणि गतिमंद विद्यार्थ्यांसोबत काही वेळ घालविण्यात आला. विद्यार्थ्यांना फळांचे वाटप करण्यात आले तसेच त्यांच्या खाण्या-पिण्यासाठी आवश्यक असलेल्या काही वस्तू भेट म्हणून देण्यात आल्या. या प्रसंगी सहारा फाउंडेशनचे सर्व सदस्य उपस्थित होते.

हजरत मुहम्मद ﷺ यांनी आपल्यापेक्षा कमकुवत असलेल्या लोकांना मदत करणे, अनाथ आणि गरजूंची काळजी घेणे, गरीबांना मदत करणे तसेच शेजारी उपाशी असेल तर त्याला जेवण देणे, अशी माणुसकीची शिकवण दिली आहे.

याच पवित्र शिकवणींवर अमल करत आज या निरागस विद्यार्थ्यांसोबत काही वेळ घालविण्याची संधी मिळाली. हे विद्यार्थी आपल्या प्रेमाचे, आपलेपणाचे आणि जिव्हाळ्याचे खरे हक्कदार आहेत. ❤️

जात-पात, धर्म आणि लिंग यापलीकडे जाऊन माणुसकीची सेवा करणे हेच खऱ्या अर्थाने नेक आणि चांगले कार्य आहे.

या प्रसंगी सहारा फाउंडेशनचे सदस्य हाजी मुस्लिम बागवान, माजी नगरसेवक अय्यूब बागवान, राष्ट्रवादी काँग्रेसचे शहराध्यक्ष अज़हर खान, डॉ. इमरान पिंजारी, माजी नगरसेवक रहीम बागवान, नईम बागवान, रहीम शेख ठेकेदार, वसीम बागवान, हाजी मुजाहिद खाटीक, मोहसीन टकारी, मोहम्मद लखारी, मोहसीन मन्यार, शकील पिंजारी, आसिफ मुनसफ बागवान, सलमान शेख, रईस बागवान, मसूद खान, सादिक बागवान, आझम लखारी, आसिफ साबाबापू बागवान आदी उपस्थित होते.

चला, ईद-ए-मिलादुन्नबी ﷺ च्या या पवित्र प्रसंगी आपण सर्वजण मिळून प्रेम, बंधुभाव, सेवा आणि माणुसकीचा संदेश सर्वदूर पोहोचवूया. 🤝❤️

सहारा फाउंडेशन, पाचोरा

सेवा • समर्पण • माणुसकी