अवघ्या ४ तासांत मोटारसायकल चोरीचा उलगडा; आरोपीस ताब्यात घेत चोरीची दुचाकी जप्त – १२ तासांत न्यायालयात दोषारोपपत्र दाखल

राजेंद्र खैरनार | मुख्य संपादक – सत्यशोध न्यूज चॅनल
पाचोरा प्रतिनिधी :
पाचोरा शहरात घडलेल्या मोटारसायकल चोरीच्या घटनेचा पाचोरा पोलीस ठाण्याच्या गुन्हे शोध पथकाने अवघ्या चार तासांत छडा लावत आरोपीला ताब्यात घेत चोरीस गेलेली मोटारसायकल हस्तगत केली. विशेष म्हणजे या गुन्ह्याचे दोषारोपपत्रही अवघ्या १२ तासांच्या आत मा. पाचोरा न्यायालयात दाखल करण्यात आले आहे.
फिर्यादी प्रशांत शंकर वाघ (वय ४२, व्यवसाय शेती, रा. सातगाव डोंगरी, ता. पाचोरा, जि. जळगाव) यांनी दिनांक १० मार्च २०२६ रोजी सायंकाळी सुमारे ८.३७ वाजता जामनेर रोडवरील राधास्वामी पेट्रोलपंप येथे त्यांची हिरो कंपनीची फॅशन प्रो, लाल रंगाची मोटारसायकल (क्र. MH-19 BR-4211) पार्क करून ठेवली होती. मात्र काही वेळातच अज्ञात इसमाने सदर मोटारसायकल चोरी केल्याचे उघड झाले. याप्रकरणी आरोपी तुषार लक्ष्मण आघाडे (वय २७, रा. सातगाव डोंगरी, ता. पाचोरा) याच्याविरुद्ध पाचोरा पोलीस ठाण्यात गुन्हा रजिस्टर क्रमांक ११९/२०२६, भारतीय न्याय संहिता २०२३ कलम ३०३(२) अन्वये दिनांक १४ मार्च २०२६ रोजी गुन्हा दाखल करण्यात आला.
सदर गुन्ह्याच्या तपासादरम्यान पाचोरा पोलीस स्टेशनच्या गुन्हे प्रकटीकरण शाखेचे पोहेकॉ राहुल काशिनाथ शिंपी व पो.कॉ. शरद मांगो पाटील यांना गुप्त बातमीदारामार्फत माहिती मिळाली की, भारत डेअरी बसस्टॉप परिसरात एक इसम मोटारसायकलसह संशयास्पद हालचाली करत आहे. मिळालेल्या माहितीनुसार पोलिसांनी तत्काळ भारत डेअरी बसस्टॉप परिसरात जाऊन संशयितास ताब्यात घेतले असता त्याच्याकडून चोरीस गेलेली मोटारसायकल आढळून आली.
पोलिसांनी त्यास पोलीस ठाण्यात आणून चौकशी केली असता त्याने आपले नाव तुषार लक्ष्मण आघाडे (रा. सातगाव डोंगरी) असे सांगितले व गुन्ह्याची कबुली दिली. त्यानंतर पंचासमक्ष आरोपीकडील सुमारे १५ हजार रुपये किंमतीची हिरो फॅशन प्रो मोटारसायकल जप्त करण्यात आली. सदर प्रकरणाचा तपास पोहेकॉ राहुल काशिनाथ शिंपी यांनी करून गुन्ह्याचे दोषारोपपत्र अवघ्या १२ तासांच्या आत मा. पाचोरा न्यायालयात दाखल करण्यात आले.
ही उल्लेखनीय कारवाई मा. पोलीस अधीक्षक श्री. महेश्वर रेड्डी, अप्पर पोलीस अधीक्षक चाळीसगाव परिमंडळ श्रीमती कविता नेरकर, उपविभागीय पोलीस अधिकारी श्री. बापू रोहम यांच्या मार्गदर्शनाखाली पोलीस निरीक्षक राहुलकुमार पवार, पोहेकॉ राहुल काशिनाथ शिंपी व पोलीस कॉन्स्टेबल शरद मांगो पाटील यांनी यशस्वीपणे पार पाडली.

Comments

Post a Comment

Popular posts from this blog

महिला दिनी ‘वर्मा मॅडम विथ वर्मा मॅडम’ : अविस्मरणीय योगायोगाचा सुंदर क्षण

Image
(शब्दांकन: राजेंद्र खैरनार, मुख्य संपादक – सत्यशोध न्यूज चॅनल) पाचोरा (प्रतिनिधी) : जागतिक महिला दिनानिमित्त आयोजित सत्कार समारंभात एक अनोखा आणि अविस्मरणीय योगायोग पाहायला मिळाला. शिक्षण क्षेत्रातील सर्वगुणसंपन्न प्राध्यापिका सौ. वर्मा मॅडम आणि पोलिस प्रशासनातील कर्तव्यदक्ष, धाडसी “सिंघम लेडीज” म्हणून ओळखल्या जाणाऱ्या सहाय्यक पोलीस निरीक्षक (API) सौ. वर्मा मॅडम यांचा एकाच व्यासपीठावर सन्मान करण्यात आला. विशेष म्हणजे दोघींचे नावही समान – वर्मा मॅडम, त्यामुळे उपस्थितांमध्ये या अनोख्या क्षणाची मोठी उत्सुकता आणि आनंद दिसून आला. कार्यक्रमात शिक्षण क्षेत्रात विद्यार्थ्यांच्या घडणीत महत्त्वाची भूमिका बजावणाऱ्या प्राध्यापिका सौ. वर्मा मॅडम यांचे कार्य विशेष गौरविण्यात आले. विद्यार्थ्यांमध्ये ज्ञानाची ज्योत प्रज्वलित करून समाजाला सुशिक्षित बनविण्यात त्यांचे योगदान उल्लेखनीय आहे. त्याचप्रमाणे पोलिस प्रशासनात धाडसी व कर्तव्यदक्ष अधिकारी म्हणून कार्यरत असलेल्या एपीआय (API) सौ. वर्मा मॅडम यांनी कायदा व सुव्यवस्था राखताना समाजात महिलांच्या सुरक्षिततेसाठी केलेले कार्यही तितकेच प्रेरणादायी...
Read more

पाचोरा तालुक्यातील जारगाव येथे पतीने चारित्र्यावर संशय घेऊन खुन केल्याची खळबळजनक घटना घडली,आरोपी पती पोलिसांच्या ताब्यात...!

Image
(मुख्य संपादक राजेंद्र खैरनार सत्य शोध न्युज चॅनल 9021356277) पाचोरा प्रतिनिधी :- पाचोरा तालुक्यातील जारगाव येथे नव्याने भाडोत्री राहण्यासाठी आलेल्या एका सुखी कुटुंबात आज पहाटे दुःखाचा डोंगर कोसळला कारण होते पतीचा पत्नीच्या चारित्र्यावर संशय...आणि यातुनच रागाच्या भरात पतीने घरकामासाठी वापरण्यात येणाऱ्या चाकुने पत्नीच्या गळ्यावर व पोटात सपासप वार करत पत्नीला जीवानिशी संपविले... प्रियंका खुशाल भदाणे असे मयत विवाहितेचे नाव असुन पती खुशाल भदाणे याने कृत्य केल्यानंतर गळफास लावुन घेत असतांनाच पाचोरा पोलिसांनी त्यास ताब्यात घेतले आहे. घटनेप्रकरणी पाचोरा पोलिस स्टेशनमध्ये मयत प्रियंका हिच्या मावशीच्या फिर्यादीवरून खुशाल पाटील याचे विरुद्ध खुनाचा गुन्हा नोंदविण्यात आला आहे. घटनेचा पुढील तपास पोलीस निरीक्षक राहुलकुमार पवार यांच्या मार्गदर्शनाखाली पो. उ. नि. संजय निकुंभ हे करीत आहेत.
Read more

गिरडच्या तरुणाच्या मृत्यूने उसळला संताप; तणावाच्या क्षणी पाचोरा पोलिसांचा संयम ठरला आदर्श.....! दुःख, संताप आणि न्यायाच्या अपेक्षांमध्ये पोलिसांनी राखला संवादाचा धागा; कुटुंबीयांच्या वेदनांना दिला संवेदनशील प्रतिसाद

Image
राजेंद्र खैरनार मुख्य संपादक – सत्यशोध न्यूज पाचोरा : एखाद्या कुटुंबातील तरुण सदस्याचा अकाली मृत्यू ही केवळ त्या घरापुरती मर्यादित शोकांतिका नसते, तर ती संपूर्ण गावाच्या मनाला चटका लावणारी घटना ठरते. भडगाव तालुक्यातील गिरड येथील होतकरू( मालक फॅशन पाचोरा) युवक रविंद्र संजय मोरे (कोळी) यांच्या संशयास्पद मृत्यूने अशीच वेदनादायक परिस्थिती निर्माण झाली. या घटनेनंतर संपूर्ण गिरड गाव शोकसागरात बुडाले, तर दुसरीकडे सत्य समोर यावे आणि न्याय मिळावा या भावनेने नागरिक एकवटले. गिरड हे गाव सामाजिक सलोखा, एकोपा आणि गावाच्या हितासाठी एकदिलाने उभे राहणाऱ्या नागरिकांसाठी ओळखले जाते. जाती-धर्माच्या चौकटींपलीकडे जाऊन गावकऱ्यांनी नेहमीच एकात्मतेचे दर्शन घडविले आहे. त्यामुळे गावातील एका तरुणाच्या मृत्यूची बातमी समोर येताच नागरिकांच्या भावना अनावर होणे स्वाभाविक होते. घटनेनंतर अल्पावधीतच मोठ्या संख्येने नागरिक पाचोरा पोलीस ठाणे परिसरात जमा झाले. युवक, महिला, ज्येष्ठ नागरिक तसेच विविध सामाजिक संघटनांचे प्रतिनिधी न्यायाच्या मागणीसाठी एकत्र आले होते. प्रत्येकाच्या मनात एकच प्र...
Read more