दिव्यांगांच्या ५% निधीवर पडदा का? ग्रामपंचायतीकडून लेखाजोखा जाहीर करा – प्रहार संघटनेची ठाम मागणी

 
राजेंद्र खैरनार मुख्य संपादक सत्यशोध न्यूज चॅनल

बांबरुड (राणीचे) प्रतिनिधी | दिनांक : २० फेब्रुवारी २०२६
बांबरुड (राणीचे) गावातील दिव्यांग बांधवांसाठी शासन नियमानुसार राखीव असलेला ५ टक्के निधी तात्काळ वितरित करण्यात यावा तसेच सन २०२० ते २०२५ या कालावधीतील निधीचा सविस्तर लेखाजोखा सार्वजनिक करावा, अशी ठाम मागणी प्रहार संघटनेच्या वतीने ग्रामपंचायत प्रशासनाकडे करण्यात आली आहे.
या संदर्भात ग्रामपंचायतीला निवेदन देताना जिल्हाध्यक्ष दीपक पाटील, पाचोरा तालुका अध्यक्ष रवीभाऊ पाटील, पारोळा अध्यक्ष पंकज सोनार, कुरंगी अध्यक्ष विनोद पाटील यांची प्रमुख उपस्थिती होती.
दिव्यांग हक्क कायद्याची आठवण
Rights of Persons with Disabilities Act, 2016 नुसार दिव्यांग व्यक्तींना समान संधी, संरक्षण व सक्षमीकरण देणे शासन व स्थानिक स्वराज्य संस्थांवर बंधनकारक आहे. मात्र स्थानिक पातळीवर दिव्यांगांसाठी आवश्यक साधने, आर्थिक सहाय्य, शैक्षणिक सुविधा व पुनर्वसनासाठी पुरेसा निधी उपलब्ध करून दिला जात नसल्याची गंभीर बाब संघटनेने निवेदनातून निदर्शनास आणून दिली आहे.
प्रहार संघटनेच्या प्रमुख मागण्या
🔹 दिव्यांगांसाठी राखीव ५% निधी तात्काळ वितरित करावा.
🔹 प्रलंबित अर्जांची छाननी करून पात्र लाभार्थ्यांना त्वरित मदत द्यावी.
🔹 निधी वितरणाची माहिती ग्रामपंचायत स्तरावर सार्वजनिकरित्या जाहीर करावी.
🔹 सन २०२० ते २०२५ या कालावधीत किती निधी वितरित झाला याचा सविस्तर लेखाजोखा सादर करावा.
🔹 दिव्यांगांसाठी निधी कोणत्या बाबींवर खर्च झाला याचा तपशील जाहीर करावा.
🔹 घरकुल योजनेअंतर्गत किती दिव्यांग लाभार्थ्यांना मंजुरी देण्यात आली याची माहिती द्यावी.
🔹 मालमत्ता कर सवलतीचा लाभ किती दिव्यांग बांधवांना देण्यात आला याचा खुलासा करावा.
या निवेदनाच्या प्रती पंचायत समिती पाचोरा तसेच जिल्हा परिषद जळगाव येथेही सादर करण्यात आल्या आहेत.
आंदोलनाचा इशारा
मागण्यांकडे तात्काळ लक्ष न दिल्यास लोकशाही मार्गाने तीव्र आंदोलन छेडण्यात येईल, असा इशाराही प्रहार संघटनेच्या पदाधिकाऱ्यांनी दिला आहे.
प्रहार संघटना, बांबरुड (राणीचे) पदाधिकारी:
चि. विजय श्रीराम पवार – अध्यक्ष
श्री. राजेंद्र अर्जुन निकम – उपाध्यक्ष
श्री. संग्राम पुंडलिकराव आढाव – सचिव
अविनाश भास्कर दारकुंडे – सहसचिव
श्री. माधवराव रामदास सोनवणे – सल्लागार
श्री. सचिन लखु काळे – खजिनदार
श्री. राजेंद्र मधुकर वाणी – सदस्य
फारूक कपूर मेवाती – सदस्य
सचिन ज्ञानेश्वर गोराडे – सदस्य

Comments

Post a Comment

Popular posts from this blog

महिला दिनी ‘वर्मा मॅडम विथ वर्मा मॅडम’ : अविस्मरणीय योगायोगाचा सुंदर क्षण

Image
(शब्दांकन: राजेंद्र खैरनार, मुख्य संपादक – सत्यशोध न्यूज चॅनल) पाचोरा (प्रतिनिधी) : जागतिक महिला दिनानिमित्त आयोजित सत्कार समारंभात एक अनोखा आणि अविस्मरणीय योगायोग पाहायला मिळाला. शिक्षण क्षेत्रातील सर्वगुणसंपन्न प्राध्यापिका सौ. वर्मा मॅडम आणि पोलिस प्रशासनातील कर्तव्यदक्ष, धाडसी “सिंघम लेडीज” म्हणून ओळखल्या जाणाऱ्या सहाय्यक पोलीस निरीक्षक (API) सौ. वर्मा मॅडम यांचा एकाच व्यासपीठावर सन्मान करण्यात आला. विशेष म्हणजे दोघींचे नावही समान – वर्मा मॅडम, त्यामुळे उपस्थितांमध्ये या अनोख्या क्षणाची मोठी उत्सुकता आणि आनंद दिसून आला. कार्यक्रमात शिक्षण क्षेत्रात विद्यार्थ्यांच्या घडणीत महत्त्वाची भूमिका बजावणाऱ्या प्राध्यापिका सौ. वर्मा मॅडम यांचे कार्य विशेष गौरविण्यात आले. विद्यार्थ्यांमध्ये ज्ञानाची ज्योत प्रज्वलित करून समाजाला सुशिक्षित बनविण्यात त्यांचे योगदान उल्लेखनीय आहे. त्याचप्रमाणे पोलिस प्रशासनात धाडसी व कर्तव्यदक्ष अधिकारी म्हणून कार्यरत असलेल्या एपीआय (API) सौ. वर्मा मॅडम यांनी कायदा व सुव्यवस्था राखताना समाजात महिलांच्या सुरक्षिततेसाठी केलेले कार्यही तितकेच प्रेरणादायी...
Read more

गिरडच्या तरुणाच्या मृत्यूने उसळला संताप; तणावाच्या क्षणी पाचोरा पोलिसांचा संयम ठरला आदर्श.....! दुःख, संताप आणि न्यायाच्या अपेक्षांमध्ये पोलिसांनी राखला संवादाचा धागा; कुटुंबीयांच्या वेदनांना दिला संवेदनशील प्रतिसाद

Image
राजेंद्र खैरनार मुख्य संपादक – सत्यशोध न्यूज पाचोरा : एखाद्या कुटुंबातील तरुण सदस्याचा अकाली मृत्यू ही केवळ त्या घरापुरती मर्यादित शोकांतिका नसते, तर ती संपूर्ण गावाच्या मनाला चटका लावणारी घटना ठरते. भडगाव तालुक्यातील गिरड येथील होतकरू( मालक फॅशन पाचोरा) युवक रविंद्र संजय मोरे (कोळी) यांच्या संशयास्पद मृत्यूने अशीच वेदनादायक परिस्थिती निर्माण झाली. या घटनेनंतर संपूर्ण गिरड गाव शोकसागरात बुडाले, तर दुसरीकडे सत्य समोर यावे आणि न्याय मिळावा या भावनेने नागरिक एकवटले. गिरड हे गाव सामाजिक सलोखा, एकोपा आणि गावाच्या हितासाठी एकदिलाने उभे राहणाऱ्या नागरिकांसाठी ओळखले जाते. जाती-धर्माच्या चौकटींपलीकडे जाऊन गावकऱ्यांनी नेहमीच एकात्मतेचे दर्शन घडविले आहे. त्यामुळे गावातील एका तरुणाच्या मृत्यूची बातमी समोर येताच नागरिकांच्या भावना अनावर होणे स्वाभाविक होते. घटनेनंतर अल्पावधीतच मोठ्या संख्येने नागरिक पाचोरा पोलीस ठाणे परिसरात जमा झाले. युवक, महिला, ज्येष्ठ नागरिक तसेच विविध सामाजिक संघटनांचे प्रतिनिधी न्यायाच्या मागणीसाठी एकत्र आले होते. प्रत्येकाच्या मनात एकच प्र...
Read more

पाचोरा शहरात दु:खद घटना! 16 वर्षांनंतर बाप झाल्याचे स्वप्न पूर्ण झाले पण मोठा अनर्थ झाला पण जुळ्या बाळांचे मातृछत्र हरपलं...."माहेरची साडी"चित्रपटाची पाचो-या वासियांना झाली आठवण..

Image
(मुख्य संपादक राजेंद्र खैरनार सत्य शोध न्युज चॅनल) (पाचोरा)दि.19मार्च2025 या दिवशी सुमारे 16 वर्षाच्या प्रतीक्षेनंतर "बाप"होण्याचं स्वप्न ज्ञानेश्वर चौधरी यांचे पूर्ण झाले. खुपच  आनंदात हे कुटुंब जुळ्या मुलांच्या बाळांचा जन्म झाल्याचा आनंद साजरा करत होते. परंतु अचानक जे घडले ते कदापी भगवंताला ही मान्य नसेल….दोन गोंडस जुळ्या बाळांच्या मातेची मात्र प्राणज्योत मालवल्याची दुर्दैवी घडली आहे. ही वार्ता एखाद्या  माहेर ची साडी या चित्रपटाप्रमाणेच... सदरील घटनेची माहिती कळताच  पाचोरा शहरातील सावनेरकर हॉस्पिटलमध्ये नातेवाईक,मित्र परिवार यांनी मोठ्या प्रमाणावर गर्दी केली होती. पाचोरातील बाहेरपुरा येथील माहेरवाशीण कै.सौ.ज्योती ज्ञानेश्वर चौधरी वय अंदाजे 37 या महिलेला लग्नाच्या 16 वर्षानंतर दि.19मार्च 2025 रोजी दु.4:00 वाजता सावनेकर हॉस्पिटल येथे एक मुलगी एक मुलगा अश्या दोन बाळांना तिने जन्म दिला.  दोन्ही नवजात शिशू जन्माला येताच तीन तासात बाळाला जन्म देणारी आई ची मात्र प्राणज्योत  हृदय विकाराच्या झटक्याने मालवली आहे. या दुखद घटनेची माहिती मिळताच महिलेच्या परिवार...
Read more