शिवजयंतीनिमित्त बांबरुड राणीचे येथे भव्य शिवचरित्र व्याख्यानाचे आयोजन; सुप्रसिद्ध व्याख्याते राहुल गिरी यांची प्रमुख उपस्थिती

राजेंद्र खैरनार मुख्य संपादक सत्य शोध न्यूज चॅनल

बांबरुड राणीचे (प्रतिनिधी):

छत्रपती शिवाजी महाराज यांच्या जयंतीनिमित्त बांबरुड राणीचे येथे दिनांक २५ फेब्रुवारी २०२६ रोजी भव्य शिवचरित्र व्याख्यानाचे आयोजन करण्यात आले आहे. या प्रेरणादायी कार्यक्रमासाठी सुप्रसिद्ध व्याख्याते राहुल गिरी यांची प्रमुख उपस्थिती लाभणार असून शिवप्रेमींसाठी हा एक ऐतिहासिक व प्रेरणादायी सोहळा ठरणार आहे.

हा कार्यक्रम बांबरुड राणीचे बाजारपेठ परिसरात आयोजित करण्यात आला असून, या माध्यमातून छत्रपती शिवाजी महाराज यांच्या पराक्रम, शौर्य, स्वराज्य स्थापनेचा ध्यास, लोककल्याणकारी राज्यव्यवस्था व आदर्श नेतृत्वगुण यांचा सखोल उलगडा करण्यात येणार आहे.

राहुल गिरी हे शिवचरित्राचे अभ्यासक व प्रेरणादायी वक्ते म्हणून प्रसिद्ध असून, त्यांच्या प्रभावी व ओजस्वी वक्तृत्वातून शिवरायांचे जीवनचरित्र श्रोत्यांसमोर जिवंतपणे उभे राहणार आहे. युवकांमध्ये राष्ट्रभक्ती, स्वाभिमान, शिस्त व समाजासाठी योगदान देण्याची प्रेरणा निर्माण व्हावी, या उद्देशाने या व्याख्यानाचे आयोजन करण्यात आले आहे.

या कार्यक्रमाला गावातील छत्रपती शिवाजी महाराज मंडळाचे सहकार्य लाभले असून, गावातील नागरिक, शिवप्रेमी, युवक व विद्यार्थ्यांनी मोठ्या संख्येने उपस्थित राहून कार्यक्रमाची शोभा वाढवावी, असे आवाहन आयोजकांनी केले आहे.

छत्रपती शिवाजी महाराज यांचे विचार, आदर्श व स्वराज्याची प्रेरणा आजच्या पिढीपर्यंत पोहोचवण्यासाठी असे कार्यक्रम अत्यंत महत्त्वाचे असून, बांबरुड राणीचे येथे आयोजित केलेले शिवचरित्र व्याख्यान हे समाजात राष्ट्रप्रेम जागृत करणारा प्रेरणादायी सोहळा ठरणार असल्याचे मत नागरिकांनी व्यक्त केले आहे.

🚩 जय शिवराय! 🚩