भडगाव | दुर्दैवी घटना : निष्काळजीपणाचा संशय, दोन चिमुकल्या विद्यार्थ्यांचा मृत्यू

(राजेंद्र खेळणार सत्य शोध न्युज चॅनल मुख्य संपादक)

भडगाव येथील आदर्श कन्या शाळा (इंग्लिश मीडियम) मध्ये नर्सरीमध्ये शिक्षण घेत असलेल्या दोन चिमुकल्या विद्यार्थ्यांचा शाळेच्या आवारात झालेल्या दुर्दैवी अपघातात मृत्यू झाल्याची हृदयद्रावक घटना घडली आहे. शाळेच्या मागील बाजूस असलेल्या नाल्यात पडल्याने ही दुर्घटना घडल्याचा प्राथमिक अंदाज व्यक्त करण्यात येत आहे.

मिळालेल्या माहितीनुसार, शाळेच्या संरक्षण भिंतीलगत कोणतीही ठोस सुरक्षित व्यवस्था नसल्याने हे दोन बालक अपघातग्रस्त झाल्याचा आरोप पालक व स्थानिक नागरिकांकडून करण्यात येत आहे. इतक्या लहान वयाच्या विद्यार्थ्यांवर पुरेशी देखरेख का नव्हती? तसेच वर्गाबाहेर जाण्याबाबत योग्य नियंत्रण आणि सुरक्षेची अंमलबजावणी झाली होती का, असे गंभीर प्रश्न उपस्थित होत आहेत.

या घटनेमुळे भडगाव शहरात शोककळा पसरली असून नागरिकांमध्ये तीव्र संतापाची भावना आहे. निष्पाप बालकांचे प्राण गेल्याने संबंधित शाळा व्यवस्थापनाच्या भूमिकेची सखोल चौकशी करून दोषींवर कठोर कारवाई करण्यात यावी, अशी जोरदार मागणी पालक, सामाजिक कार्यकर्ते व स्थानिक नागरिकांकडून करण्यात येत आहे.

दरम्यान, घटनेची अधिकृत चौकशी सुरू असून प्रशासनाकडून पुढील कारवाईची माहिती अपेक्षित आहे.