वाळू माफियांवर महसूल विभागाचा मोठा घाव!; टास्क फोर्सची धडक कारवाई, दोन बारा चाकी डंपर जप्त
पाचोरा : माननीय प्रांताधिकारी भुषण अहीरे यांच्या आदेशानुसार महसूल विभागाच्या टास्क फोर्स पथकाने अवैध वाळू वाहतुकीविरोधात धडक कारवाई करत मौजे वाक येथून अवैधरित्या वाळू वाहतूक करणारे दोन बारा चाकी डंपर पकडले. जप्त करण्यात आलेली वाहने पुढील कारवाईसाठी तहसील कार्यालय, पाचोरा येथे जमा करण्यात आली आहेत.
अवैध गौण खनिज उत्खनन व वाहतुकीवर आळा घालण्यासाठी प्रशासनाने कठोर भूमिका घेतली असून, या कारवाईमुळे वाळू माफियांमध्ये खळबळ उडाली आहे. संबंधित वाहनांवर नियमानुसार दंडात्मक व कायदेशीर कारवाई करण्यात येणार असल्याची माहिती सूत्रांनी दिली.
या कारवाईत मंडळ अधिकारी आर.डी.पाटील, राहुल पवार तसेच ग्राम महसूल अधिकारी संजय सोनवणे, अतुल पाटील, अविनाश जंजाळे, अजमल शहा मकानदार आणि निखिल बळी यांनी सहभाग घेतला.
महसूल विभागाच्या या कारवाईचे सर्व स्तरातून स्वागत होत असून, भविष्यातही अवैध वाळू वाहतुकीविरोधात अशाच कठोर मोहिमा सुरू राहणार असल्याचे प्रशासनाकडून स्पष्ट करण्यात आले आहे.
Comments
Post a Comment