अवैध धंद्याचा कारवाईचा धडाका” : सपोनि कल्याणी वर्मा यांच्या नेतृत्वाखाली हरेश्वर पिंपळगाव पोलीस स्टेशनची धडाकेबाज मोहीम; हातभट्टी दारू अड्डे उद्ध्वस्त, लाखोंचा मुद्देमाल नष्ट...



— राजेंद्र खैरनार, मुख्य संपादक, सत्यशोध न्यूज चॅनल
पिंपळगांव हरेश्वर पोलीस स्टेशनच्या हद्दीत दिनांक ११ एप्रिल २०२६ रोजी अवैध दारू व्यवसायावर मोठी कारवाई करत पोलिसांनी हातभट्टी दारू तयार करणाऱ्या टोळ्यांचा पर्दाफाश केला. प्रभारी अधिकारी सपोनि कल्याणी वर्मा यांना गुप्त बातमीदारामार्फत मिळालेल्या खात्रीशीर माहितीनुसार गहुले धरण परिसर तसेच बहुळा नदीच्या काठांवर झाडाझुडपांत लपून गावठी हातभट्टीची दारू तयार केली जात असल्याचे उघड झाले.
त्यानुसार तत्काळ पथक तयार करून शिंदाड बिट हद्दीत छापा टाकण्यात आला. या कारवाईत आरोपी बुधा दगडू तडवी, फरीदा बुधा तडवी, रहेमान अन्वर तडवी, सचिन मनोज तडवी (रा. शिंदाड, ता. पाचोरा) तसेच सुनिल राजू भिल (रा. इंदिरानगर, लोहारी) आणि गोपाल नागो राठोड (रा. आंबेवडगाव) यांना जागीच ताब्यात घेण्यात आले.
छाप्यात पोलिसांना तब्बल १,५८,२५० रुपयांचा ४२१५ लिटर कच्चा व पक्का दारू साठा हस्तगत झाला. यामध्ये ३६०० लिटर कच्चे रसायन, ४५० लिटर उकळते पक्के रसायन आणि १६५ लिटर तयार गावठी दारूचा समावेश होता. सदरचा सर्व मुद्देमाल जागेवरच नष्ट करून दारू तयार करण्यासाठी उभारलेल्या भट्ट्या उद्ध्वस्त करण्यात आल्या.
याप्रकरणी सर्व आरोपींविरुद्ध महाराष्ट्र दारुबंदी अधिनियम कलम ६५ (फ), (ब), (क), (ई) अन्वये एकूण ५ गुन्हे दाखल करण्यात आले आहेत.
याचदरम्यान, मोंढाळे गावातही पोलिसांनी कारवाई करत विनोद अरविंद गुंजाळ यास अवैधरित्या देशी दारू विक्री करताना रंगेहात पकडले. त्याच्याकडून १५२० रुपयांच्या ३८ देशी दारूच्या बाटल्या जप्त करण्यात आल्या असून त्याच्यावरही दारुबंदी कायद्याअंतर्गत गुन्हा दाखल करण्यात आला आहे.
ही संपूर्ण कारवाई पोलीस अधिक्षक यांच्या आदेशानुसार, अप्पर पोलीस अधिक्षक कविता नेरकर, उपविभागीय पोलीस अधिकारी बापु रोहम यांच्या मार्गदर्शनाखाली प्रभारी अधिकारी सपोनि कल्याणी वर्मा यांच्या नेतृत्वात पार पडली. या मोहिमेत पोउपनि विठ्ठल पवार यांच्यासह पोलीस अधिकारी व कर्मचारी यांच्या पथकाने सक्रिय सहभाग घेतला.
अवैध दारू व्यवसायाविरोधात पोलिसांची ही “कारवाईचा धडाका” मोहीम परिसरात मोठा संदेश देणारी ठरली असून, अशा कारवाया पुढेही सुरू राहणार असल्याचे संकेत मिळत आहेत.

Comments

Post a Comment

Popular posts from this blog

महिला दिनी ‘वर्मा मॅडम विथ वर्मा मॅडम’ : अविस्मरणीय योगायोगाचा सुंदर क्षण

Image
(शब्दांकन: राजेंद्र खैरनार, मुख्य संपादक – सत्यशोध न्यूज चॅनल) पाचोरा (प्रतिनिधी) : जागतिक महिला दिनानिमित्त आयोजित सत्कार समारंभात एक अनोखा आणि अविस्मरणीय योगायोग पाहायला मिळाला. शिक्षण क्षेत्रातील सर्वगुणसंपन्न प्राध्यापिका सौ. वर्मा मॅडम आणि पोलिस प्रशासनातील कर्तव्यदक्ष, धाडसी “सिंघम लेडीज” म्हणून ओळखल्या जाणाऱ्या सहाय्यक पोलीस निरीक्षक (API) सौ. वर्मा मॅडम यांचा एकाच व्यासपीठावर सन्मान करण्यात आला. विशेष म्हणजे दोघींचे नावही समान – वर्मा मॅडम, त्यामुळे उपस्थितांमध्ये या अनोख्या क्षणाची मोठी उत्सुकता आणि आनंद दिसून आला. कार्यक्रमात शिक्षण क्षेत्रात विद्यार्थ्यांच्या घडणीत महत्त्वाची भूमिका बजावणाऱ्या प्राध्यापिका सौ. वर्मा मॅडम यांचे कार्य विशेष गौरविण्यात आले. विद्यार्थ्यांमध्ये ज्ञानाची ज्योत प्रज्वलित करून समाजाला सुशिक्षित बनविण्यात त्यांचे योगदान उल्लेखनीय आहे. त्याचप्रमाणे पोलिस प्रशासनात धाडसी व कर्तव्यदक्ष अधिकारी म्हणून कार्यरत असलेल्या एपीआय (API) सौ. वर्मा मॅडम यांनी कायदा व सुव्यवस्था राखताना समाजात महिलांच्या सुरक्षिततेसाठी केलेले कार्यही तितकेच प्रेरणादायी...
Read more

पाचोरा तालुक्यातील जारगाव येथे पतीने चारित्र्यावर संशय घेऊन खुन केल्याची खळबळजनक घटना घडली,आरोपी पती पोलिसांच्या ताब्यात...!

Image
(मुख्य संपादक राजेंद्र खैरनार सत्य शोध न्युज चॅनल 9021356277) पाचोरा प्रतिनिधी :- पाचोरा तालुक्यातील जारगाव येथे नव्याने भाडोत्री राहण्यासाठी आलेल्या एका सुखी कुटुंबात आज पहाटे दुःखाचा डोंगर कोसळला कारण होते पतीचा पत्नीच्या चारित्र्यावर संशय...आणि यातुनच रागाच्या भरात पतीने घरकामासाठी वापरण्यात येणाऱ्या चाकुने पत्नीच्या गळ्यावर व पोटात सपासप वार करत पत्नीला जीवानिशी संपविले... प्रियंका खुशाल भदाणे असे मयत विवाहितेचे नाव असुन पती खुशाल भदाणे याने कृत्य केल्यानंतर गळफास लावुन घेत असतांनाच पाचोरा पोलिसांनी त्यास ताब्यात घेतले आहे. घटनेप्रकरणी पाचोरा पोलिस स्टेशनमध्ये मयत प्रियंका हिच्या मावशीच्या फिर्यादीवरून खुशाल पाटील याचे विरुद्ध खुनाचा गुन्हा नोंदविण्यात आला आहे. घटनेचा पुढील तपास पोलीस निरीक्षक राहुलकुमार पवार यांच्या मार्गदर्शनाखाली पो. उ. नि. संजय निकुंभ हे करीत आहेत.
Read more

गिरडच्या तरुणाच्या मृत्यूने उसळला संताप; तणावाच्या क्षणी पाचोरा पोलिसांचा संयम ठरला आदर्श.....! दुःख, संताप आणि न्यायाच्या अपेक्षांमध्ये पोलिसांनी राखला संवादाचा धागा; कुटुंबीयांच्या वेदनांना दिला संवेदनशील प्रतिसाद

Image
राजेंद्र खैरनार मुख्य संपादक – सत्यशोध न्यूज पाचोरा : एखाद्या कुटुंबातील तरुण सदस्याचा अकाली मृत्यू ही केवळ त्या घरापुरती मर्यादित शोकांतिका नसते, तर ती संपूर्ण गावाच्या मनाला चटका लावणारी घटना ठरते. भडगाव तालुक्यातील गिरड येथील होतकरू( मालक फॅशन पाचोरा) युवक रविंद्र संजय मोरे (कोळी) यांच्या संशयास्पद मृत्यूने अशीच वेदनादायक परिस्थिती निर्माण झाली. या घटनेनंतर संपूर्ण गिरड गाव शोकसागरात बुडाले, तर दुसरीकडे सत्य समोर यावे आणि न्याय मिळावा या भावनेने नागरिक एकवटले. गिरड हे गाव सामाजिक सलोखा, एकोपा आणि गावाच्या हितासाठी एकदिलाने उभे राहणाऱ्या नागरिकांसाठी ओळखले जाते. जाती-धर्माच्या चौकटींपलीकडे जाऊन गावकऱ्यांनी नेहमीच एकात्मतेचे दर्शन घडविले आहे. त्यामुळे गावातील एका तरुणाच्या मृत्यूची बातमी समोर येताच नागरिकांच्या भावना अनावर होणे स्वाभाविक होते. घटनेनंतर अल्पावधीतच मोठ्या संख्येने नागरिक पाचोरा पोलीस ठाणे परिसरात जमा झाले. युवक, महिला, ज्येष्ठ नागरिक तसेच विविध सामाजिक संघटनांचे प्रतिनिधी न्यायाच्या मागणीसाठी एकत्र आले होते. प्रत्येकाच्या मनात एकच प्र...
Read more