पाचोरा पोलीस स्टेशनचा दणका; पोकॉ/1885 संदीप भोईंची धडाकेबाज कामगिरी—3 तासांत चोरी उघड, चिमुकल्याला दिला आई-वडिलांचा आधार!

राजेंद्र खैरनार, मुख्य संपादक – सत्यशोध न्यूज चॅनल

पाचोरा : वर्ष 2026 मध्ये पाचोरा पोलीस स्टेशनच्या कार्यक्षमतेचा पुन्हा एकदा प्रत्यय आला असून, पोकॉ/1885 संदीप किसन भोई यांनी केलेल्या उल्लेखनीय कामगिरीचे सर्वत्र कौतुक होत आहे. नेपाळ येथून आलेल्या आरोपींनी सुमारे 25 हजार रुपयांचे दोन मोबाईल चोरी केल्याची घटना घडली होती. या प्रकरणाची गंभीर दखल घेत संदीप भोई यांनी अवघ्या तीन तासांच्या आत तपासाची चक्रे वेगाने फिरवत आरोपींचा शोध लावला आणि त्यांना अटक करण्यात यश मिळवले.

याचबरोबर, मानवी संवेदनशीलतेचे दर्शन घडवणारी आणखी एक घटना घडली. छत्रपती शिवाजी महाराज चौक येथे एक चार वर्षांचे बालक बेवारस अवस्थेत आढळून आले. परिस्थितीचे गांभीर्य ओळखून संदीप भोई यांनी तात्काळ हालचाली करत त्या बालकाच्या आई-वडिलांचा शोध घेतला. कोणताही विलंब न करता त्या चिमुकल्याला सुखरूपपणे त्याच्या पालकांच्या स्वाधीन करण्यात आले. या कार्यामुळे पोलिसांच्या मानवतावादी दृष्टिकोनाची प्रचिती आली.

या दुहेरी उल्लेखनीय कामगिरीची दखल घेत माननीय पोलीस अधीक्षक, जळगाव यांच्या मार्गदर्शनाखाली पाचोरा पोलीस स्टेशनचे पोलीस निरीक्षक Rahul Kumar Pawar यांच्या हस्ते पोकॉ/1885 संदीप किसन भोई यांना प्रशंसापत्र प्रदान करण्यात आले.

पोलिस दलाच्या या कार्यामुळे नागरिकांमध्ये सुरक्षिततेची भावना अधिक बळकट झाली असून, पाचोरा पोलिसांच्या कार्यक्षमतेचे सर्वत्र कौतुक होत आहे.