संत तुकाराम महाराज बीज निमित्त कृष्णापुरीत भक्तिमय वातावरण; पालखी, कीर्तन व महाप्रसादाचा कार्यक्रम

राजेंद्र खैरनार मुख्य संपादक सत्य शोध न्युज चॅनल

पाचोरा (प्रतिनिधी) — कृष्णापुरी परिसरात संत तुकाराम महाराज बीजनिमित्त गुरुवार, दि. ५ मार्च रोजी सकाळी ८.०० वाजता पालखी मिरवणुकीने कार्यक्रमाची भक्तिमय सुरुवात होणार आहे. पालखी नवीन विठ्ठल मंदिर येथून प्रस्थान करणार असून परिसरातील भाविक मोठ्या संख्येने सहभागी होणार असल्याची माहिती आयोजकांनी दिली.

मिरवणुकीनंतर सकाळी १० ते १२ या वेळेत कीर्तनाचा कार्यक्रम आयोजित करण्यात आला आहे. संत तुकाराम महाराजांच्या अभंगांद्वारे समाजप्रबोधन, सदाचार व भक्तीचा संदेश यावेळी दिला जाणार आहे. त्यानंतर सर्व भाविकांसाठी महाप्रसादाचे आयोजन करण्यात आले असून, कार्यक्रमाचे नियोजन शिस्तबद्ध पद्धतीने करण्यात आले आहे.

कार्यक्रमाचे आयोजन संत तुकाराम महाराज बीज समिती यांच्या वतीने करण्यात आले असून मराठा पाटील समाज बहुउद्देशीय संस्था यांचे सहकार्य लाभत आहे. समाजातील सर्व घटकांनी उपस्थित राहून कार्यक्रमाची शोभा वाढवावी, असे आवाहन आयोजकांनी केले आहे.

संत तुकाराम महाराजांच्या विचारांनी प्रेरित होऊन समाजात एकात्मता, सद्भावना आणि अध्यात्मिक मूल्यांची जपणूक व्हावी, हा या कार्यक्रमामागील प्रमुख उद्देश असल्याचे आयोजकांनी स्पष्ट केले. कृष्णापुरी, पाचोरा परिसरात या सोहळ्याची उत्सुकता दिसून येत असून भक्तिमय वातावरणाची निर्मिती झाली आहे.