सात तासांच्या अथक परिश्रमातून साकारली भक्तीची कलाकृती – पुनगाव रोड येथील गजानन महाराज मंदिरात भव्य रांगोळी सेवा

राजेंद्र खैरनार मुख्य संपादक सत्य शोध न्यूज चॅनल

पाचोरा प्रतिनिधी :

१४८ व्या श्री गजानन महाराज प्रकट दिनानिमित्त पुनगाव रोड येथील श्री गजानन महाराज मंदिरात दरवर्षीप्रमाणे यंदाही भक्तिभावपूर्ण व आकर्षक रांगोळी सेवेचे आयोजन करण्यात आले. तब्बल सात तासांच्या अथक परिश्रमातून ही भावस्पर्शी व कलात्मक रांगोळी साकारण्यात आली आहे.

या भव्य रांगोळी सेवेतून श्री गजानन महाराजांचे दिव्य रूप व त्यांच्या संदेशाचे अत्यंत सुंदर व प्रभावी चित्रण करण्यात आले असून भाविकांचे विशेष लक्ष वेधून घेतले आहे. ही रांगोळी कलाकार शैलेश कुलकर्णी, सत्यजीत पाटील, ओमकार केंडले, ओम् पाटील, देवांगिनी मोकाशी व अमन कुमार यांनी भक्तिभावाने रेखाटली.

ही अप्रतिम रांगोळी पाहण्यासाठी भाविक व नागरिकांनी पुनगाव रोड येथील श्री गजानन महाराज मंदिरात आवर्जून भेट द्यावी, असे आवाहन आयोजकांच्या वतीने करण्यात आले आहे.