महाशिवरात्रीच्या पावन पर्वावर बहीरमनगर पाचोरा येथे भैरवनाथ व महादेव मंदिरात भाविकांसाठी साबुदाणा-केळी वाटपाचा भक्तिभावपूर्ण उपक्रम

राजेंद्र खैरनार मुख्य संपादक सत्य शोध न्युज चॅनल

पाचोरा (बहीरमनगर) दि. १५ फेब्रुवारी २०२६ (रविवार) –

महाशिवरात्रीच्या पावन पर्वानिमित्त बहीरमनगर पाचोरा येथील भैरवनाथ मंदिर व महादेव मंदिर परिसरात आज सकाळी १०:०० वाजता भाविक भक्तांसाठी विशेष फराळ वाटपाचा भक्तिभावपूर्ण कार्यक्रम आयोजित करण्यात आला आहे.

भैरवनाथ मित्र व भक्त आयोजक परिवार यांच्या पुढाकारातून आयोजित या उपक्रमात सुमारे ६० किलो साबुदाणा व केळी भाविकांना वाटप करण्यात येत असून, शिवभक्तांच्या सेवेसाठी हा उपक्रम राबविण्यात आला आहे. महाशिवरात्रीच्या उपवासादरम्यान भक्तांना फराळाचा लाभ मिळावा, या उद्देशाने आयोजकांनी ही सेवा श्रद्धेने व भक्तिभावाने आयोजित केली आहे.

भैरवनाथ मित्र व भक्त आयोजक परिवाराकडून परिसरातील सर्व शिवभक्त, नागरिक व भाविकांना फराळाचा लाभ घेण्याचे आवाहन करण्यात आले आहे. महाशिवरात्रीच्या पावन दिवशी शिवनामस्मरण, अभिषेक व भक्तिसेवेत सहभागी होऊन कार्यक्रमाची शोभा वाढवावी, असे आयोजकांनी नमूद केले आहे.

“हर हर महादेव” च्या गजरात भक्तिभाव, सेवा व एकात्मतेचा संगम घडवणारा हा उपक्रम परिसरात श्रद्धेचा उत्साह निर्माण करणारा ठरत आहे.