अन्यायाविरुद्ध ठाम उभे राहणारे नेतृत्व : पंचायत समिती निवडणुकीत भिकनभाऊ कोळींची एन्ट्री

राजेंद्र खैरनार मुख्य संपादक सत्य शोध न्यूज चॅनल

एरंडोल | प्रतिनिधी

जळगाव जिल्ह्यातील एरंडोल तालुक्यातील उत्राण येथील युवा सामाजिक कार्यकर्ते व पैलवान पै. भिकनभाऊ कोळी यांनी पंचायत समिती सदस्य निवडणुकीच्या दिशेने टाकलेले पाऊल हे सामाजिक जाणिवेतून उभ्या राहणाऱ्या नव्या नेतृत्वाचे द्योतक मानले जात आहे. ही एन्ट्री केवळ निवडणुकीपुरती मर्यादित नसून, अन्यायाविरुद्ध चालू असलेल्या सामाजिक लढ्याला लोकशाहीच्या व्यासपीठावर नेणारी ठोस वाटचाल ठरत आहे.

अन्याय, शोषण आणि दुर्लक्षित घटकांच्या प्रश्नांवर नेहमीच ठाम भूमिका घेणारे पै. भिकनभाऊ कोळी हे सर्वधर्मसमभाव, सामाजिक समता आणि मानवतेच्या मूल्यांवर ठाम विश्वास ठेवणारे नेतृत्व म्हणून ओळखले जातात. जात-धर्म, रक्त-नातेसंबंध यापलीकडे जाऊन प्रत्येक माणसाकडे समानतेच्या नजरेने पाहण्याची त्यांची भूमिका समाजात सकारात्मक परिवर्तन घडवणारी ठरली आहे.

मैदानात पैलवान म्हणून ताकद, शिस्त आणि जिद्दीचे दर्शन घडवणारे भिकनभाऊ समाजकार्यात मात्र संवेदनशील मन, प्रामाणिक भूमिका आणि निस्वार्थ सेवाभाव घेऊन सातत्याने कार्यरत राहिले आहेत. गरजू नागरिकांच्या अडचणींमध्ये तत्काळ धावून जाणे, अन्यायाविरुद्ध निर्भीडपणे आवाज उठवणे आणि सर्वसामान्य माणसाच्या वेदना स्वतःच्या समजून घेणे—हेच त्यांचे खरे सामर्थ्य आहे. त्यामुळेच उत्राणसह परिसरातील नागरिकांमध्ये त्यांच्याविषयी आपुलकी, आदर आणि विश्वासाची भावना दृढ झाली आहे.

राजकारणात सत्तेपेक्षा सेवा महत्त्वाची असते, हा विचार पै. भिकनभाऊ कोळी यांनी केवळ शब्दांत नव्हे तर कृतीतून वारंवार सिद्ध केला आहे. पंचायत समिती सदस्य म्हणून त्यांची वाटचाल ग्रामीण विकास, सामाजिक न्याय, पारदर्शक कारभार आणि सर्वसामान्यांच्या प्रश्नांना प्राधान्य देणारी ठरेल, असा विश्वास व्यक्त केला जात आहे.

या भावी सामाजिक-राजकीय प्रवासासाठी ज्येष्ठ पत्रकार व सामाजिक कार्यकर्ते श्री. अनिल आबा येवले (दक्ष पोलीस टाईम, पाचोरा प्रतिनिधी) तसेच श्री. राजेंद्र खैरनार (मुख्य संपादक, सत्य शोध न्युज चॅनल, पाचोरा) यांनी पै. भिकनभाऊ कोळी यांना मनःपूर्वक शुभेच्छा व हार्दिक अभिनंदन व्यक्त केले आहे.

“भिकनभाऊंचे नेतृत्व समाजाला नवी ऊर्जा देईल, जनतेचा विश्वास अधिक बळकट करेल आणि पंचायत समितीच्या माध्यमातून लोकहिताच्या कार्याला नवी दिशा देईल,” अशी अपेक्षा त्यांनी व्यक्त केली आहे.

अन्यायाविरुद्ध उभा असलेला हा निर्भीड आवाज लोकशाहीच्या मंचावर अधिक प्रभावी ठरेल आणि सर्वसामान्यांच्या आशा-अपेक्षांचे खरे प्रतिनिधित्व करेल, अशीच भावना समाजातून व्यक्त होत आहे.