काही दिवसांपासून ‘आपले सरकार डिजिटल सेवा केंद्र – कॉमन सर्व्हिस सेंटर’ जनतेच्या सेवेत

राजेंद्र खैरनार मुख्य संपादक सत्यशोध न्यूज चॅनल

पाचोरा प्रतिनिधी:-

तरुण भारतचे पत्रकार सुरेश तांबे यांचे सुपुत्र प्रा. शुभम सुरेश तांबे यांच्या पुढाकारातून उपक्रम

पाचोरा शहर व तालुक्यातील नागरिकांसाठी अत्यंत उपयुक्त ठरणारे ‘आपले सरकार डिजिटल सेवा केंद्र – कॉमन सर्व्हिस सेंटर’ हे केंद्र गेल्या काही दिवसांपासून यशस्वीपणे जनतेच्या सेवेत कार्यरत आहे. आधुनिक तंत्रज्ञानाच्या माध्यमातून शासकीय व विविध डिजिटल सेवा एकाच ठिकाणी उपलब्ध करून देण्याचा उद्देश या सेवा केंद्रामागे आहे.

सदर सेवा केंद्राचे प्रोप्रायटर प्रा. शुभम सुरेश तांबे, प्रा. मनीषा कुणाल तांबे व प्रा. चिरज सुरेश तांबे असून, हे केंद्र तरुण भारत या नामांकित दैनिकाचे पाचोरा तालुक्यातील ज्येष्ठ पत्रकार श्री. सुरेश तांबे यांच्या सुपुत्र प्रा. शुभम सुरेश तांबे यांच्या संकल्पनेतून व मार्गदर्शनातून सुरू करण्यात आले आहे.

या डिजिटल सेवा केंद्रामार्फत पॅन कार्ड, आधार कार्ड प्रिंट व दुरुस्ती, लाईट बिल भरणा, मोबाईल रिचार्ज, पी.एम. किसान नोंदणी, आयुष्मान भारत कार्ड, ई-श्रम कार्ड, मतदान कार्ड नवीन व दुरुस्ती, विविध विमा योजना, बँकिंग व मनी ट्रान्सफर सुविधा, रेल्वे, बस व विमान तिकीट बुकिंग तसेच शासकीय व खासगी सर्व प्रकारचे ऑनलाईन अर्ज व फॉर्म भरण्याची सुविधा उपलब्ध करून दिली जात आहे.

आजच्या डिजिटल युगात नागरिकांना शासकीय कामांसाठी विविध कार्यालयांचे फेरे मारावे लागू नयेत, वेळ व खर्च वाचावा तसेच योग्य मार्गदर्शन मिळावे, या उद्देशाने हे सेवा केंद्र सुरू करण्यात आले आहे. शेतकरी, विद्यार्थी, महिला, बेरोजगार युवक व ज्येष्ठ नागरिक यांना या केंद्राचा मोठा लाभ होत असून, अल्प शुल्कात व विश्वासार्ह सेवा मिळत असल्याने नागरिकांकडून समाधान व्यक्त केले जात आहे.

सदर आपले सरकार डिजिटल सेवा केंद्र – कॉमन सर्व्हिस सेंटर

छत्रपती शिवाजी महाराज चौकाच्या पाठीमागे, तहसील कार्यालयाजवळ, पाचोरा येथे कार्यरत असून, नागरिकांनी या सुविधेचा लाभ घ्यावा, असे आवाहन सेवा केंद्र संचालकांच्या वतीने करण्यात आले आहे.